দুপৰীয়া 3 বজাৰ দহটা শীৰ্ষ বাতৰি

দুপৰীয়া 3 বজাৰ দহটা শীৰ্ষ বাতৰি...

বিভিন্ন সময়ত আৰক্ষীৰ অভিযানত বহু চোৰাং ব্যৱসায়ী তথা সৰবৰাহকাৰী আৰক্ষীৰ জালত পৰি আহিছে যদিও হ্ৰাস পোৱা নাই গৰু-মহৰ চোৰাং ব্যৱসায় ৷

দুস্কৃতিকাৰীৰ আক্ৰমণত গুৰুতৰ ভাৱে আহত হৈ বৰ্তমান হাইলাকান্দি আসামৰিক চিকিৎসালয়ত চিকিৎসাধীন হৈ আছে অসম চৰকাৰৰ এগৰাকী কণিষ্ঠ অভিযন্তা ৷

শনিবাৰে যোৰহাটৰ চন্দন নগৰৰ বাইলেন ৪ ত সংঘটিত হৈছে এক চাঞ্চল্যকৰ হত্যাকাণ্ড ৷ ৰাহুল বসুমতাৰী নামৰ ওদালগুৰিৰ এজন যুৱকক কোঠাৰ ভিতৰতে ডিঙি ৰেপি হত্যা কৰিছে দুৰ্বৃত্তই ৷

অসমৰ বাবে এক ভাল খবৰ । শীঘ্ৰেই স্থায়ীভাবে সমাধান হ'ব অসমৰ বান গৰাখহনীয়াৰ সমস্যা । আৰম্ভ হ'ব ব্ৰহ্মপুত্ৰৰ খনন কাৰ্য । উদ্ধাৰ হ'ব লাখ লাখ বিঘা মাটি । কিন্তু কোনে কেনেকৈ কৰিব এই খনন কাৰ্য । এই সম্পৰ্কত চাওঁ আহক ইটিভি ভাৰতৰ এক বিশেষ প্ৰতিবেদন ৷

জোনাইৰ অসম-অৰুণাচল সীমান্তত সম্প্ৰীতিৰ নিদৰ্শন ৷ অৰুণাচলৰ বান বিধ্বস্ত অঞ্চললৈ জোনাইৰ কেইবাটাও সংগঠনৰ সাহায্য ৷ অৰুণাচলৰ বান বিধ্বস্ত অঞ্চললৈ সাহায্য় প্ৰদান কৰিলে একাংশ সংগঠনে ৷

সুস্থিৰ হৈছে প্ৰাক্তন মুখ্যমন্ত্ৰী প্ৰফুল্ল কুমাৰ মহন্তৰ স্বাস্থ্য

মগজুৰ ৰক্তক্ষৰণ( মাইল্ড ষ্ট্ৰ’ক ) হৈ শুক্ৰবাৰে নিশা হৰ্ঠাৎ অসুস্থ হৈ পৰা প্ৰাক্তন মুখ্যমন্ত্ৰী প্ৰফুল্ল কুমাৰ মহন্তৰ স্বাস্থ্যৰ অৱস্থিতি সুস্থিৰ হোৱাৰ লগতে বৰ্তমান বিপদমুক্ত ৷ প্ৰাক্তন মুখ্যমন্ত্ৰী গৰাকীৰ ঘনিষ্ঠ সূত্ৰই সদৰী কৰিলে এই তথ্য ৷

দৰং জিলাৰ চিপাঝাৰৰ ভাঙিয়াচুবাৰ ৰঙিলা মেধীয়ে সমাজৰ নিৰক্ষৰ মহিলাসকলৰ মাজত বিলাই গৈছে শিক্ষাৰ পোহৰ ৷ 2004 চনত তেখেতে ৰাষ্ট্ৰপতিৰ পৰাও লাভ কৰিছে বিশেষ সম্বৰ্ধনা ৷

চীনা সৈন্যই বন্দী কৰিলে অৰুণাচলৰ যুৱকক ৷ টুইটাৰৰ জৰিয়তে এই কথা প্ৰকাশ কৰিলে অৰুণাচলৰ পাছিঘাটৰ বিধায়ক তথা কংগ্ৰেছৰ প্ৰাক্তন সাংসদ নিনং এৰিঙয়ে ।

গাডকাৰী আৰু জগন মোহন ৰেড্ডীয়ে মুকলি কৰিব বহুকেইটা আঁচনিৰ আধাৰশিলা তথা শুভাৰম্ভ ৷ 18 ছেপ্তেম্বৰত দিল্লীৰ পৰাই ভিডিঅ' কনফাৰেন্সিঙৰ জৰিয়তে অংশগ্ৰহণ কৰিব গাডকাৰীয়ে ৷

সমগ্ৰ দেশতেই মহামাৰী কৰ'ণাই ত্ৰাসৰ সৃষ্টি কৰি অহাৰ সময়তেই আৰ্থিক অভাৱত ভুগিছে ৰাজ্য়খনৰ অধিকাংশ শিল্পী ৷ এনেসময়ত এজনে আনজনৰ সহায় হোৱাকৈ আগুৱাই আহিছে বহু কেইগৰাকী প্ৰতিষ্ঠিত শিল্পী ৷ এই উদ্দেশ্যৰেই শণিবাৰে দিহাসম্ৰাট কমলা গগৈৰ কাষত উপস্থিত হয়গৈ জনপ্ৰিয় কণ্ঠশিল্পী মানস ৰবীন ৷