নিউজ ডেস্ক, ২২ জুন : সোমবাৰে দিল্লীৰ মুখ্যমন্ত্ৰী অৰবিন্দ কেজৰিৱালে জনাই যে, চহৰখনত কোভিড-১৯ ৰ পৰীক্ষণ কেন্দ্ৰ তিনিগুন বৃদ্ধি কৰা হৈছে । এতিয়াৰ পৰা ৰাজধানী চহৰখনত প্ৰতিদিনেই ১৮০০০ হাজাৰ লোকক পৰীক্ষা কৰিব পৰা যাব ।
লগতে মুখ্যমন্ত্ৰী গৰাকীয়ে জনাই যে, প্ৰথম অৱস্থাত কেৱল ৫ হাজাৰ লোকৰ স্বাব পৰীক্ষা কৰিব পৰা গৈছিল কিন্তু বৰ্তমান এই হাৰ তিনিগুন বৃদ্ধি কৰা হৈছে । এতিয়াৰ পৰা আৰু কোনো লোকে কোভিড-১৯ পৰীক্ষাৰ বাবে কষ্ট কৰিব নালাগে ।
তেওঁ আকৌ জনাই যে, নতুন দিল্লীত বৰ্তমান ২৫ হাজাৰ কোভিড-১৯ ৰোগী আছে । ৩৩ হাজাৰ ৰোগী কোভিড মুক্ত হৈছে আৰু ৬ হাজাৰ লোক চিকিৎসালয়ত চিকিৎসাধীন হৈ থকাৰ বিপৰীতে ১২ হাজাৰ লোক ঘৰত চিকিৎসাধীন হৈ আছে । বিগত সপ্তাহত ২৪ হাজাৰ ৰোগী আছিল মাত্ৰ এসপ্তাহৰ ব্যবধানত দিল্লীত ১ হাজাৰ নতুন ৰোগী সংযুক্ত হৈছে ।
লগতে তেওঁ জনাই যে, কেন্দ্ৰৰ সহায়ৰ জৰিয়তে এই কাম কৰিবলৈ সক্ষম হৈছে । যাৰ জৰিয়তে মাত্ৰ ১৫ ৰ পৰা ২০ মিনিটৰ ব্যৱধানত এই পৰীক্ষা কৰিব পৰা যাব ।
লগতে পঢ়ক : সাৱধান : উত্তৰ কোৰিয়াৰ চাইবাৰ অপৰাধী গ্ৰুপৰ হাতত 20 লাখ ভাৰতীয়ৰ তথ্য
