লকডাউনত চাকৰি হেৰুৱাই আত্মনিৰ্ভৰ হোৱা পশ্চিম বংগৰ ব্য়ক্তিজন

লকডাউনৰ বাবে চাকৰি হেৰুৱাই আৰ্থিক দুৰৱস্থাত ভোগা পশ্চিম বংগৰ মনীষ পাণ্ডে নামৰ লোকজনে অৱশেষত কৃষি বিষয়া সুবীৰ দাসৰ সহায়ত উষ্ণতাসম্পন্ন মেচিনেৰে কণীৰ পৰা পোৱালি জগোৱা ব্যৱসায় আৰম্ভ কৰে ৷ এই মেচিনটোৱে মনীষক আত্মনিৰ্ভৰশীল হোৱাত সহায় কৰি তেওঁৰ আৰ্থিক সমস্য়া দূৰ কৰিছে ৷

নিউজ ডেস্ক, 20 নৱেম্বৰ : লকডাউনৰ সময়ছোৱাত চাকৰি হেৰুওৱা লোকসকলৰ ভিতৰত মনীষ পাণ্ডেও এজন ৷ পশ্চিম বংগৰ 24 পাৰ্গানাছ জিলাৰ ৰামচন্দ্ৰপুৰ গাঁও নিৱাসী মনীষ পাণ্ডেই লকডাউনৰ পূৰ্বে এখন ব্যক্তিগত ফাৰ্মত কাম কৰিছিল ৷

কণীৰ পৰা পোৱালি জগোৱা মেচিনেৰে আৰ্থিক সমস্য়া দূৰ কৰা লোকজন

লকডাউনে আজুৰি নিয়া চাকৰিৰ পাচত আৰ্থিক দুৰৱস্থাত ভুগিছিল মনীষ ৷ ইয়াৰ মাজতে এগৰাকী কৃষি বিষয়াৰ সৈতে পৰিচয় হয় মনীষৰ ৷ কৃষি বিষয়া সুবীৰ দাসৰ সহায়ত মনীষে উষ্ণতাসম্পন্ন মেচিনেৰে কণীৰ পৰা পোৱালি জগোৱা ব্যৱসায় আৰম্ভ কৰে ৷ সম্প্ৰতি এই মেচিনটোৱে মনীষক আত্মনিৰ্ভৰশীল জীৱন অতিবাহিত কৰাত সহায় কৰিছে ৷

কণীৰ পৰা পোৱালি জগোৱা মেচিনেৰে আৰ্থিক সমস্য়া দূৰ কৰা লোকজন

এই মেচিনটো প্ৰস্তুত কৰোতে মনীষে থাৰ্ম’কলৰ বাকচৰ ব্যৱহাৰ কৰিছিল ৷ তেওঁ বাকচৰ ভিতৰত কিছু বৈদ্যুতিক সামগ্ৰী সংযুক্ত কৰে ৷ এই বৈদ্যুতিক সামগ্ৰীয়ে স্থিৰ উষ্ণতা বৰ্তাই ৰখাত সহায় কৰে ৷

জানিব পৰা মতে, প্ৰথমে তেওঁ 100 টা কণীৰ সৈতে পৰীক্ষা কৰে ৷ এই 100 টা কণীৰ ভিতৰত 90 টা কণীৰ সম্পূৰ্ণৰূপে গৰম হয় আৰু তাৰ পৰা পোৱালি ওলায় ৷ তেতিয়াৰ পৰাই মনীষে অতি নিষ্ঠাৰে এই কাম কৰি আছে ৷

বিগত তিনিমাহত তেওঁ কিছু ইনকিউবেটৰ উৎপাদন কৰে আৰু সম্প্ৰতি ইয়াৰ অৰ্ডাৰো লাভ কৰিছে ৷

লগতে পঢ়ক : উত্তৰ প্ৰদেশ : পথ দুৰ্ঘটনাত নিহত 14 বিবাহযাত্ৰী