নিউজ ডেস্ক,১২ ফেব্ৰুৱাৰী: দেশজুৰি চৰ্চা লাভ কৰা হাথৰছ কাণ্ডৰ চাৰিগৰাকী অভিযুক্তৰ ভিতৰত দুজনৰ জামিন আবেদন খাৰিজ কৰে বিশেষ অনুসূচিত জাতি/ জনজাতি আদালতে । ভুক্তভোগীৰ অধিবক্তা ভগীৰথ সিঙে বৃহস্পতিবাৰে জনোৱা মতে ঘটনাৰ অভিযুক্ত ৰবি আৰু লবকুশে জামিনৰ বাবে আবেদন জনাইছিল যদিও হাথৰছ আদালতে খাৰিজ কৰে তেওঁলোকৰ আবেদন । আনহাতে যোৱা মাহত আন এগৰাকী অভিযুক্ত ৰামুৰ জামিন আবেদনো খাৰিজ কৰিছিল আদালতে ।
উল্লেখ যে চাৰি অভিযুক্ত ক্ৰমে সন্দীপ, ৰবি, ৰামু আৰু লৱকুশৰ বিৰুদ্ধে চিবিআইয়ে বিভিন্ন অভিযোগেৰে চাৰ্জশ্বীট দাখিল কৰিছে । তেওঁলোকক আইপিচিৰ ধাৰা ৩০২,৩৭৬,৩৭৬(এ) আৰু আইপিচিৰ ৩৭৬(ডি) আৰু এছচি/এছটি আইনৰ ধাৰা ৩(২)(ভি) অধীনত অভিযুক্ত কৰা হৈছে । দেশ কঁপোৱা হাথৰছ কাণ্ডৰ সন্দৰ্ভত চিবিআইয়ে ১১ অক্টোবৰত তদন্ত আৰম্ভ কৰিছিল ।