নিউজ ডেস্ক, ২ ফেব্ৰুৱাৰী : মঙলবাৰৰ পৰা আৰম্ভ হৈছে সংসদৰ বাজেট অধিবেশন (Budget session 2023) । আনহাতে, বুধবাৰে সংসদত আগন্তুক ২০২৩-২৪ বিত্তীয় বৰ্ষৰ বাবে সম্পূৰ্ণ বাজেট দাখিল কৰে বিত্ত মন্ত্ৰী নিৰ্মলা সীতাৰমণে । উল্লেখ্য, যে মোদী চৰকাৰৰ দ্বিতীয়টো কাৰ্যকালৰ এইখন হৈছে অন্তিমখন পূৰ্ণাংগ বাজেট । আহাতে, বিত্ত মন্ত্ৰী হিচাপে নিৰ্মলা সীতাৰমণৰ পঞ্চমখন বাজেট । কিন্তু বাজেট অধিবেশনৰ পূৰ্বে আদানি গ্ৰুপৰ কেলেংকাৰিৰ (Adani group scam) তথ্য আমেৰিকাৰ এটা গৱেষণা প্ৰতিষ্ঠানে ফাদিল কৰাৰ পিছতে দেশজুৰি চলি আছে তীব্ৰ বিতৰ্ক ।
ৰাজনৈতিক তথা অৰ্থনৈতিক মহলতো তীব্ৰ জোকাৰণিৰ সৃষ্টি হৈছে । আনহাতে, আদানি গ্ৰুপৰ এই কেলেংকাৰীয়ে যে সদনতো তীব্ৰ খলকনি তুলিব তাৰ অনুমান পূৰ্বতেই কৰা হৈছিল । যাৰ প্ৰতিফলন বৃহস্পতিবাৰে সংসদৰ দুয়োখন সদনতে ঘটে (Adani issue rocks Parliament) । আদানি গ্ৰুপৰ শ্বেয়াৰ বজাৰ কেলেংকাৰী সন্দৰ্ভত আলোচনাৰ দাবীত তীব্ৰ হুলস্থূলীয়া পৰিস্থিতিৰ সৃষ্টি কৰে বিৰোধী দলৰ সদস্যসকলে ।
যাৰ বাবে সংসদৰ দুয়োখন সদন দুপৰীয়া ২ বজালৈ স্থগিত ৰখা হয় (Parliament adjourned over Adani issue) । কংগ্ৰেছৰ মুৰব্বী মল্লিকাৰ্জুন খাৰ্গেয়ে (Congress chief Mallikarjuna Kharge) বাজেট অধিবেশন পুনৰ আৰম্ভ হোৱাৰ লগে লগে সদনত আদানি কেলেংকাৰীৰ বিষয়টো আলোচনা কৰিবলৈ এটা প্ৰস্তাৱ উত্থাপন কৰে ।
বিৰোধীয়ে আদানি গ্ৰুপৰ সৈতে ৰাজহুৱা খণ্ডৰ বেংকসমূহৰ ঋণৰ পৰিমাণ কিমান সেয়া উন্মোচন কৰিব বিচাৰিছিল । ইয়াৰ পূৰ্বে প্ৰধানমন্ত্ৰী নৰেন্দ্ৰ মোদীয়ে (Prime Minister Narendra Modi) কেন্দ্ৰীয় গৃহ মন্ত্ৰী অমিত শ্বাহ, প্ৰতিৰক্ষা মন্ত্ৰী ৰাজনাথ সিং, কেন্দ্ৰীয় মন্ত্ৰী অনুৰাগ ঠাকুৰ, বিত্ত মন্ত্ৰী নিৰ্মলা সীতাৰমণ, কেন্দ্ৰীয় মন্ত্ৰী প্ৰহ্লাদ যোশী, কেন্দ্ৰীয় মন্ত্ৰী পীযূষ গোৱেল, পথ পৰিবহণ মন্ত্ৰী নীতিন গাডকাৰী আৰু আইন মন্ত্ৰী কিৰেন ৰিজিজুৰ সৈতে বাজেট অধিবেশন ২০২৩-ৰ সময়ত সংসদত চৰকাৰৰ ৰণনীতি সন্দৰ্ভত আলোচনা কৰিবলৈ এক বৈঠকৰ আহ্বান জনায় ।
উল্লেখ্য, বুধবাৰে বিত্ত মন্ত্ৰী নিৰ্মলা সীতাৰমণে লোকসভা আৰু ৰাজ্যসভাৰ যুটীয়া বৈঠকত পৰম্পৰাগত ৰাষ্ট্ৰপতিৰ ভাষণৰ পিছত লোকসভাত কেন্দ্ৰীয় বাজেট, 2023 উপস্থাপন কৰে (Sitharaman presented Union Budget 2023) । আনহাতে, কংগ্ৰেছৰ সদস্যসকলে আদানি গ্ৰুপৰ বিষয়টো আৰু সীমান্তত চীনা অপৰাধৰ বিষয়ে আলোচনা কৰিবলৈ লোকসভাত সভা স্থগিতৰ জাননী দিছিল । লোকসভাত দলটোৰ হুইপ ঠাকুৰে কয় যে আদানি গ্ৰুপৰ শ্বেয়াৰ হ্ৰাস হোৱাৰ বাবে জৰুৰী পৰিস্থিতিৰ সন্মুখীন হৈছে ।
"হিণ্ডেনবাৰ্গৰ প্ৰতিবেদনৰ পিছতে এই ঘটনাটো ঘটিছে (Hindenburg report on Adani group) । এছবিআই আৰু এলআইচিৰ জৰিয়তে ৰাজহুৱা ধনৰ এক গুৰুত্বপূৰ্ণ পৰিমাণ আদানি গ্ৰুপত সোমাই আছে । নিয়মমাফিক কথা বাদ দি বিষয়টো তৎক্ষণাৎ সদনত আলোচনা কৰাটো প্ৰাসংগিক । বিত্ত মন্ত্ৰীয়ে লোকচানৰ প্ৰকৃত অৱস্থা আৰু ৰাজহুৱা ধন ৰাহি কৰিবলৈ চৰকাৰে আৰম্ভ কৰা পদক্ষেপসমূহ প্ৰকাশ কৰা উচিত ।" সাংসদ মণিকাম ঠাকুৰে তেওঁৰ জাননীত কয় । লগতে সদনে এই বিষয়টো আলোচনা কৰিবলৈ আগবাঢ়ি আহিব লাগে আৰু চৰকাৰক সেই অনুসৰি কাম কৰিবলৈ নিৰ্দেশ দিব লাগে বুলিও তেওঁ কয় ।
লগতে পঢ়ক :Adani Enterprises calls off FPO : আদানী গ্ৰুপে প্ৰত্যাহাৰ কৰিলে এফপিঅ', বিনিয়োগকাৰীৰ ঘূৰাই দিব ধন
