তেজপুৰ, 8 ছেপ্টেম্বৰ: ইষ্টাৰ্ণ এয়াৰ কমাণ্ডৰ বাৰ্ষিক কমাণ্ডাৰ্ছ কনফাৰেন্সৰ বাবে ৭ৰ পৰা ৯ ছেপ্টেম্বৰলৈ শ্বিলঙত থকা ইষ্টাৰ্ণ এয়াৰ কমাণ্ডৰ মুখ্য কাৰ্যালয় (Headquarters of Eastern Air Command) পৰিদৰ্শন কৰে এয়াৰ চীফ মাৰ্শ্বাল ভি আৰ চৌধুৰীয়ে ৷ তেজপুৰস্থিত সেনাৰ মুখপাত্ৰ লেফটেনেণ্ট কৰ্ণেল এ এছ ৱালিয়াই এই কথা জানিবলৈ দিয়ে (Annual Eastern Air Command Commanders’ Conference)।
তিনিদিনীয়া এই সন্মিলনৰ আজি দ্বিতীয় দিন । শ্বিলঙত উপস্থিত হোৱাৰ লগে লগে ইষ্টাৰ্ণ এয়াৰ কমাণ্ডৰ এয়াৰ অফিচাৰ কমাণ্ডিং ইন চীফ এয়াৰ মাৰ্শ্বাল ডি কে পাটনায়কে এয়াৰ চীফ মাৰ্শ্বাল ভি আৰ চৌধুৰীক আদৰণি জনায় । কমাণ্ডাৰসকলক উদ্দেশ্যি দিয়া ভাষণত এয়াৰ চীফ মাৰ্শ্বাল ভি আৰ চৌধুৰীয়ে অপাৰেচনেল প্ৰস্তুতি বৃদ্ধিৰ বাবে জটিল বিশ্লেষণ আৰু ব্যৱস্থাৰ প্ৰয়োজনীয়তাৰ ওপৰত গুৰুত্ব আৰোপ কৰে (Air Chief Marshal VR Chaudhari in Shilong) ।
তেখেতে কমাণ্ডাৰসকলক বৰ্তমানৰ নিৰাপত্তা পৰিস্থিতি, ভূ-ৰাজনৈতিক পৰিস্থিতি, আৰু বিভিন্ন আকস্মিক পৰিস্থিতিৰ সৈতে মোকাবিলা কৰাত ভাৰতীয় বায়ু সেনাৰ ভূমিকা সম্পৰ্কে অৱগত কৰে বুলি ৱালিয়াই কয় ।
এয়াৰ চীফ মাৰ্শ্বাল ভি আৰ চৌধুৰীয়ে ২৪ ঘণ্টাই উচ্চ কাৰ্যকৰী প্ৰস্তুতি বজাই ৰখা আৰু সামৰ্থ বৃদ্ধিৰ ওপৰত মনোনিৱেশ বজাই ৰখাৰ প্ৰয়োজনীয়তাৰ ওপৰত আলোকপাত কৰে । পৰিচালনা, ৰক্ষণাবেক্ষণ, আৰু প্ৰশাসনৰ ক্ষেত্ৰত উৎকৃষ্টতা প্ৰদৰ্শন কৰাৰ বাবে তেওঁ ইষ্টাৰ্ণ এয়াৰ কমাণ্ডক ট্ৰফী প্ৰদান কৰে ।
