নিউজ ডেস্ক, 17 আগষ্ট: মহাৰাষ্ট্ৰৰ গণ্ডিয়া চহৰত বুধবাৰে পুৱা এখন যাত্ৰীবাহী ৰেলখন দুৰ্ঘটনাত পতিত হয়(Train Accident in Maharashtra) ৷ যাত্ৰীবাহী ৰেলখনে এখন মালবাহী ৰেলত পিছফালৰ পৰা খুন্দা মৰাত গুৰুতৰভাৱে আহত হয় কেইবাজনো যাত্ৰী(passenger train hits goods train in Maharashtra) ৷ ৰায়পুৰৰ পৰা নাগপুৰ অভিমুখী ভগত কি কোঠী নামৰ যাত্ৰীবাহী ৰেলখন দুৰ্ঘটনাত পতিত হোৱাত প্ৰায় 53 জন যাত্ৰী গুৰুতৰভাৱে আহত হয় ।
দুৰ্ঘটনাটো সংঘটিত হোৱাৰ তথ্য লাভ কৰাৰ পাচতেই ঘটনাস্থলীত ৰেল আৰক্ষীৰ লগতে উদ্ধাৰকাৰী দল উপস্থিত হয় ৷ উদ্ধাৰকাৰী দলে স্থানীয় লোকৰ সহযোগত উদ্ধাৰ কাৰ্য আৰম্ভ কৰাৰ লগতে আহত যাত্ৰীসকলক জিলা চৰকাৰী হাস্পতাল আৰু ব্যক্তিগত চিকিৎসালয়লৈ প্ৰেৰণ কৰে ৷ সম্প্ৰতি দুৰ্ঘটনাস্থলীত উদ্ধাৰ অভিযান অব্যাহত ৰাখিছে ৰেল আৰক্ষীয়ে ৷
লগতে পঢ়ক : মৰাণৰ জৱাহৰ নবোদয় বিদ্যালয়ত পাঁচ ছাত্ৰৰ প্ৰহাৰত গুৰুতৰভাৱে আহত ছাত্ৰ
