ট্ৰাকৰ খুন্দাত বৰবাৰীত থিতাতে নিহত এজন - Road accident in barbari Guwahat

গুৱাহাটী, 27 মাৰ্চ: গুৱাহাটী মহানগৰীৰ বৰবাৰীত মংগলবাৰৰ নিশা সংঘটিত হয় এক ভয়ংকৰ পথ দুৰ্ঘটনা । তীব্ৰবেগী ট্ৰাকৰ খুন্দাত থিতাতে নিহত হয় এজন বাইক আৰোহী । নিহত বাইক আৰোহীজন টংলাৰ জিতু কলিতা বুলি জানিব পৰা গৈছে ।

ইফালে, দুৰ্ঘটনা সংঘটিত কৰিয়েই ট্ৰাকসহ চালকজনে পলায়ন কৰে বুলি জানিব পৰা গৈছে । জানিব পৰা মতে, ছয়মাইল দিশৰ পৰা পাথৰকোৱাৰী অভিমুখে আহি আছিল বাইক আৰোহীজন । আহি থকা অৱস্থাতে একে দিশেৰে আহি থকা ট্ৰাক এখনে পিছফালৰ পৰা খুন্দা মাৰে বাইকখনত । 

দুৰ্ঘটনাগ্ৰস্ত বাইকখনৰ নম্বৰ হৈছে AS 01 FG 3171 ৷ জাপৰিগোগৰ এখন ৱাইন শ্ব’পত কাম কৰা লোকজনে কাম শেষ কৰি ঘৰলৈ অহাৰ সময়তে সংঘটিত হয় এই শোকাৱহ পথ দুৰ্ঘটনাটো । মৃতৰ সময়ত জিতু কলিতাই পত্নী আৰু চাৰি বছৰীয়া এটি কন্যা সন্তান এৰি থৈ যায় ।  

লগতে পঢ়ক: বৰপেটাৰোডত পথ দুৰ্ঘটনাত যুৱক নিহত - Barpetaroad road accident