আমচিং-যোৰাবাট বজাৰৰ দোকানে দোকানে গজৰাজৰ টহল
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Mar 18, 2024, 5:45 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/18-03-2024/640-480-21013928-thumbnail-16x9-ghyy.jpg)
গুৱাহাটী, 18 মাৰ্চ : ক্ৰমাৎ গুৱাহাটীৰ দাঁতিকাষৰীয়া অঞ্চলসমূহত বৃদ্ধি পাইছে হাতী-মানুহৰ সংঘাত । শেহতীয়াকৈ খাদ্যৰ সন্ধানত আমচাং অভয়াৰণ্যৰ পৰা সঘনাই ওলাই অহা বন্যহস্তীয়ে মহানগৰীৰ আমচিং যোৰাবাট অঞ্চলত প্ৰায়ে উপদ্ৰৱ চলোৱা পৰিলক্ষিত হৈছে । ব্যতিক্ৰম নহয় সোমবাৰৰ পুৱাও ৷
সোমবাৰে পুৱাৰ ভাগত আমচাং অভায়ৰণ্যৰ পৰা ওলাই অহা এটা বন্যহস্তীয়ে যোৰাবাটৰ বজাৰ এলেকাত কেবাঘণ্টা ধৰি উপদ্ৰৱ চলায় । বনৰীয়া হাতীটোৱে পুৱা প্ৰায় 10 বজাত আমচিং যোৰাবাট বজাৰত প্ৰৱেশ কৰি ভূৱন চন্দ্ৰ পালৰ পাল ষ্ট'ৰ নামৰ এখন গেলামালৰ দোকানৰ মূল দুৱাৰ ভাঙি চাউল, দালি, আটা আদি ভক্ষণ কৰে ৷
লগতে দোকানখনত থকা বিভিন্ন খাদ্য সামগ্ৰী নষ্ট কৰে । অতিষ্ঠ হৈ স্থানীয় ৰাইজে টিন বজাই, ফটকা ফুটাই হাতীটোক সেই স্থানৰ পঠিয়াই দিয়ে ৷ পৰৱৰ্তী সময়ত সেই হাতীটোৱে সাতগাঁও সেনা ছাউনী অভিমুখে গতি কৰে বুলি জানিব পৰা গৈছে ।
ইফালে উক্ত অঞ্চলত বনৰীয়া হাতীটোৰ সঘন আগমনক লৈ চিন্তিত হৈ পৰিছে অঞ্চলবাসী ৷ এইক্ষেত্ৰত বন বিভাগক বিশেষ নজৰ দিবলৈ আহ্বান জনাইছে স্থানীয় ৰাইজে ৷
লগতে পঢ়ক : মৰঙিৰ ফুলনি গাঁৱৰ ঘাইপথত বন্যহস্তীৰ মুক্ত বিচৰণ