যৌন নিৰ্যাতনৰ পৃথক পৃথক গোচৰত দুই অপৰাধীক যাৱজ্জীৱন কাৰাদণ্ড

মৰিগাঁও, 28 ফেব্ৰুৱাৰী : মৰিগাঁও জিলা শিশু যৌন নিৰ্যাতন বিৰোধী বিশেষ আদালতৰ ঐতিহাসিক ৰায়দান ৷ যৌন নিৰ্যাতনৰ দুই পৃথক পৃথক গোচৰত দুই অপৰাধীক যাৱজ্জীৱন কাৰাদণ্ড বিহা হৈছে । ইয়াৰে এটা অপৰাধীৰ নাম হাচমত আলী আৰু আনটোৰ নাম সজল উদ্দিন । দুয়োটা অভিযুক্তৰ ঘৰ লাহৰীঘাটত বুলি জানিব পৰা গৈছে ৷

ইয়াৰে হাচমত আলীৰ বিৰুদ্ধে লাহৰীঘাট আৰক্ষী থানাত 400/2020 নম্বৰত ভাৰতীয় দণ্ডবিধি আইনৰ 376ABIPC&R/W section 4 of POCSO Actৰ অধীনত গোচৰ ৰুজু হৈছিল । বুধবাৰে চূড়ান্ত শুনানিৰ পিচত মৰিগাঁও জিলা বিশেষ শিশু যৌন নিৰ্যাতন নায়্যালয়ে 20 বছৰৰ সশ্ৰম কাৰাদণ্ড বিহে ।

আনহাতে জিলাখনৰ লাহৰিঘাট থানাৰ 400/2021 নম্বৰত ভাৰতীয় দণ্ডবিধি আইনৰ 376AB/307/506IPC &RW section 6/8/10 of POCSO Actৰ অধীনত সজল উদ্দিনক মৰিগাঁও শিশু যৌন নিৰ্যাতন বিশেষ আদালতে 20 বছৰ সশ্ৰম কাৰাদণ্ড বিহে । মৰিগাঁও জিলা আৰক্ষীৰ অপৰাধ শাখাৰ অতিৰিক্ত আৰক্ষী অধীক্ষক সমীৰণ বৈশ্যই সদৰী কৰা মতে, দুয়োটা শিশু যৌন নিৰ্যাতনৰ গোচৰৰ তদন্তকাৰী আৰক্ষী বিষয়া হিচাপে তদন্ত চলাইছিল বিনয় কুমাৰ মালাকাৰে  ৷

লগতে পঢ়ক: কাছাৰত কোটি টকাৰ ড্ৰাগছসহ আটক ৩ সৰবৰাহকাৰী