নিশা পল্টন বজাৰ থানাত উত্তপ্ত পৰিস্থিতি

গুৱাহাটী,১৬ ফেব্ৰুৱাৰী: নিশা পল্টন বজাৰ থানাত উত্তপ্ত পৰিস্থিতি । থানা ঘেৰাও কৰিলে চলাপাৰা অঞ্চলৰ বাসিন্দাই। সৰস্বতী পূজাৰ নিশা চলাপাৰাৰ-শৰণীয়া Complex ত সংঘটিত হৈছিল মাৰপিটৰ ঘটনা । সেইদিনা Complex ৰ বাসিন্দাই উদযাপন কৰিছিল সৰস্বতী পূজা । পূজা অনুষ্ঠানত নিশা সাংস্কৃতিক সন্ধিয়াৰ আয়োজন কৰিছিল বাসিন্দাসকলে । সেই Complex তেই ভাৰাতীয়া হিচাপে আছিল CID ৰ কেইবাগৰাকী বিষয়া । দেৰিলৈকে সংগীতানুষ্ঠান চলি থকা কাৰ্যক বাধা দিছিল বিষয়া কেইগৰাকীয়ে ।  

CID ৰ বিষয়া কেইজনে ভয় ভাবুকি দিয়াৰ অভিযোগ লোকসকলৰ । ঘটনা সন্দৰ্ভত CID ৰ বিষয়া কেইজনে পল্টন বজাৰ দাখিল কৰে এজাহাৰ । উক্ত এজাহাৰৰ ভিত্তিত আৰক্ষীয়ে দুজনলোকক আটক কৰে । লোক দুজনক আটক কৰাক লৈ নিশা উত্তপ্ত পৰিস্থিতিৰ সৃষ্টি কৰে অঞ্চলটোৰ লোকসকলে । আনহাতে সেই একেই ঘটনা সন্দৰ্ভত CID বিষয়া কেইগৰাকীৰ বিৰুদ্ধে পল্টন বজাৰ থানাত এজাহাৰ দিছিল লোকসকলে । পল্টন বজাৰ থানাই এজাহাৰ নোলোৱাৰ অভিযোগ উত্থাপন কৰে লোকসকলে । CID ৰ বিষয়া কেইজনক গ্ৰেপ্তাৰ কৰিবলৈ দাবী উত্থাপন কৰি উত্তপ্ত কৰি তোলে থানাখনৰ চৌহদ ।

লগতে পঢ়ক: পানবজাৰৰ মহিলা আৰক্ষীৰ জিম্মাত নুনমাটিৰ পৰা সন্ধানহীন দুই ছাত্ৰী; গ্ৰেপ্তাৰ ৩