বকোত মৃতদেহ উদ্ধাৰ, মৰিয়াই মৰিয়াই হত্যা কৰাৰ সন্দেহ

বকো, 28 ফেব্ৰুৱাৰী : দক্ষিণ কামৰূপৰ ছয়গাঁও ঔগুৰিত খৰখৰী নদীত মৃতদেহ উদ্ধাৰক লৈ তীব্ৰ চাঞ্চল্যৰ সৃষ্টি হৈছে । উদ্ধাৰ হোৱা মৃতদেহটো ছয়গাঁও বিহদিয়াৰ মনোজ ঠাকুৰীয়াৰ বুলি জানিব পৰা গৈছে । পৰিয়ালৰ লোকৰ সন্দেহ এয়া এক পৰিকল্পিত হত্যাকাণ্ড । 

ঘটনাৰ বিৱৰণী অনুসৰি, পেছাত এজন তামোলৰ বেপাৰী মনোজ ৷ মঙলবাৰে পুৱা ব্যৱসায়িক কামত তামোল কিনিবলৈ জাৰুৱাগাৱলৈ যোৱাৰ পিচৰে পৰা সন্ধানহীন হৈ আছিল ব্যক্তিজন । তাৰ পিচতে বুধবাৰে খৰখৰী নদীৰ পাৰত মটৰ চাইকেল আৰু জোতা উদ্ধাৰ হয় লোকজনৰ । আনহাতে, লোকজনৰ দেহত আঘাতৰ চিন প্ৰত্যক্ষ কৰি স্থানীয় আৰু পৰিয়ালৰ লোকে কোনোবাই হত্যা কৰি পেলাই থোৱা বুলি সন্দেহ প্ৰকাশ কৰিছে ।

সম্প্ৰতি ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰিছে ঘটনাৰ সন্দৰ্ভত তদন্ত অব্যাহত ৰাখিছে ৷

লগতে পঢ়ক: চেলেংহাটত ভয়াৱহ দুৰ্ঘটনাৰ পৰা কথমপি ৰক্ষা ৰাজধানী এক্সপ্ৰেছ