পুত্ৰস্নেহত ধুবুৰীবাসীক পাহৰিছে ৰকিবুলে: ভৱেশ কলিতা

চামগুৰি: ক্ৰমাৎ গৰম হৈছে চামগুৰি সমষ্টিৰ উপ-নিৰ্বাচনৰ বতাহ । চামগুৰিৰ উপ-নিৰ্বাচনত ৰকিবুলপুত্ৰ তাঞ্জিল হুছেইনক পৰাজিত কৰিবলৈ নামি পৰিছে শাসকীয় দলৰ নেতা-মন্ত্ৰী । চামগুৰিত নিৰ্বাচনী প্ৰচাৰত নামিছে বিজেপিৰ ৰাজ্যিক সভাপতি ভৱেশ কলিতাৰ লগতে কেইবাগৰাকীও মন্ত্ৰী । ইতিমধ্যে মন্ত্ৰী পীযুষ হাজৰীকা, বিমল বড়া, বিধায়ক জিতু গোস্বামীয়ে প্ৰচাৰ চলোৱা চামগুৰি বিধানসভা সমষ্টিৰ উপ-নিৰ্বাচনৰ প্ৰচাৰ চলাবলৈ বুধবাৰে চামগুৰিত উপস্থিত হয় দলটোৰ সভাপতি ভৱেশ কলিতা ।  

বুধবাৰে সমষ্টিটোৰ কেবাটাও প্ৰান্তত নিৰ্বাচনী প্ৰচাৰ চলাই ৰকিবুল হুছেইনৰ সমালোচনাত মুখৰ হৈ পৰে বিজেপিৰ সভাপতি ভৱেশ কলিতা । মন্ত্ৰী বিমল বড়াক লগত লৈ চামগুৰিৰ উপ-নিৰ্বাচনৰ প্ৰচাৰ চলোৱাৰ অন্তত সংবাদ মাধ্যমৰ সন্মুখত ৰকিবুল হুছেইনক কটাক্ষ কৰে ভৱেশ কলিতাই । পুত্ৰস্নেহত মগ্ন হৈ ৰকিবুল হুছেইনে ধুবুৰীবাসীক পাহৰি যোৱা বুলিও মন্তব্য কৰে ভৱেশ কলিতাই । লগতে এইবাৰ উপ-নিৰ্বাচনত চামগুৰিৰ ভোটাৰেও ৰকিবুল হুছেইনৰ কথাত গুৰুত্ব নিদিয়ে বুলি মন্তব্য কৰে বিজেপিj সভাপতিগৰাকীয়ে । 

লগতে পঢ়ক: কংগ্ৰেছে মুন্না ভাই এ চি এছ মুন্না ভাই এ পি এছ সৃষ্টি কৰিছিল: ভৱেশ কলিতা