ধেমাজিত মিচিং ছবি 'মুৰকঙ'ৰ শুভ মহুৰত সম্পন্ন - New missing film

ধেমাজি,২২ মাৰ্চ: নিৰ্বাচনী বতৰতে জীয়াঢলৰ বানে ধোৱা অঞ্চলত দিহিৰি গাঁৱত বৃহস্পতিবাৰে মিচিং ছবি MURKONG (পইচা)ৰ শুভ মহুৰত আনুষ্ঠানিকভাৱে সম্পন্ন হয় ৷ আগশাৰীৰ প্ৰতিষ্ঠান Talent ষ্টুডিঅ'ৰ দ্বাৰা নিবেদন কৰা ছবিখনৰ কাহিনীভাগ ডেনি, মহেশ আৰু স্মৃতি দলেৰ ৷ চিত্ৰনাট্য-সংলাপ ডেনি দলেৰ ৷ ছবিখনৰ পৰিচালক ডেনি দলে আৰু প্ৰয়োজক মহেশ দলে ৷ সংগীত পৰিচালনা চন্দনা পাটগিৰিৰ ।  

ছবিখনত অভিনয় কৰিব অসমৰ জনপ্ৰিয় মিচিং শিল্পী তথা অভিনেত্ৰী তৰুলতা কুটুম, ললিত পায়েং, দিবাকৰ পেগু, অমৰজিৎ পাঠক, অনিল টায়ুঙ আদি বহুতো ন-পুৰণি শিল্পীয়ে ৷ ছবিখনৰ প্ৰযোজকৰ নিজৰ ঠাই ধেমাজিৰ দিহিৰিৰ উপৰিও গুৱাহাটী, জ্যোতি চিত্ৰবন আৰু মানালী আদি মনোৰম পৰিৱেশত চিত্ৰগ্ৰহণ কৰা হ'ব  ৷ লক্ষ্যনীয় যে ছবিখনৰ শুভ মহুৰত অনুষ্ঠানত অংশগ্ৰহণ কৰিবলৈ হিলদ'ল ভাঙি ওলাই আহে শিশুৰ পৰা বৃদ্ধলৈকে জাকে জাকে লোক ৷

লগতে পঢ়ক: 'ৱাইড এংগল' ত ফটো সাংবাদিকৰ ৰূপত তপন দাস - New Assamese Film