22 জাঁই সক্ৰিয় গুলী, মাৰণাস্ত্ৰসহ আৰক্ষীৰ জালত চোৰাং চিকাৰী - Poachers arrested

নগাঁও, 15 জুন : চোৰাং চিকাৰীৰ বিৰুদ্ধে অভিযান চলাই সফলতা লাভ কৰিলে নগাঁৱৰ ৰূপহীহাট আৰক্ষীয়ে । এক গোপন সূত্ৰৰ পাম খেদি নগাঁৱৰ ৰূপহীহাট আৰক্ষীয়ে চলোৱা এক অভিযানত জালত পৰে তিনিটাকৈ কুখ্যাত চোৰাং চিকাৰী । এটা মাৰণাস্ত্ৰৰ লগতে 22 জাই গুলীসহ চোৰাং চিকাৰীক আটক কৰে ৰূপহীহাট আৰক্ষীয়ে ।

জানিব পৰা মতে, শুক্ৰবাৰে নিশা ৰূপহীহাট আৰক্ষীৰ এটা দলে নিশা পৃথকে পৃথকে অভিযান চলাই আটক কৰে তিনি চোৰাং চিকাৰীক । গঁড় হত্যাৰ লগত জড়িত থকাৰ অভিযোগত অভিযুক্ত ৰূপহীহাটৰ হেকমত আলী, জালাল উদ্দীন আৰু ছাইফুল ইছলাম নামৰ ধৃত তিনি চোৰাং চিকাৰী । ৰূপহীহাটৰ পূব ফুটালজাৰ আৰু পূব আমৰাকান্দাৰ পৰা হেকমত আলী আৰু জালাল উদ্দীনক প্ৰথমে আটক কৰে আৰক্ষীয়ে ।

পৰৱৰ্তী সময়ত জালাল উদ্দিন আৰু হেকমত আলীৰ স্বীকাৰোক্তিৰ বৃত্তিত হাতিপুখুৰীৰ পৰা আটক কৰে ছাইফুল ইছলাম নামৰ আন এটা চোৰাং চিকাৰীক । চোৰাং চিকাৰীকেইটাৰ সন্ধান বিচাৰি নগাঁও আৰক্ষীৰ সৈতে গোলাঘাট আৰক্ষীয়েও যোগাযোগ কৰা বুলি জানিব পৰা গৈছে । ধৃত তিনি চোৰাং চিকাৰীকেইটাৰ বিৰুদ্ধে 136/24 নম্বৰত ভাৰতীয় দণ্ডবিধিৰ 120B,392,511 ধাৰাৰ অধীনত গোচৰ ৰুজু কৰিছে ৰূপহীহাট আৰক্ষীয়ে ।

লগতে পঢ়ক : ৰাইফল-সজীৱ গুলীসহ চোৰাং চিকাৰী গ্ৰেপ্তাৰ - Poachers Arrested