চিলনী চোৰে নেৰিলে প্ৰয়াত জোনমণি ৰাভাৰ মাতৃকো - Chain Snatching

গুৱাহাটী, ২৬ আগষ্ট : গুৱাহাটী মহানগৰীৰ ৰাজপথত পিতপিতাই ফুৰিছে চিলনী চোৰে । চিলনী চোৰক নাকী লগোৱাত ব্যৰ্থ হৈছে স্মাৰ্ট আৰক্ষী ! এতিয়া যুৱতী-মহিলাৰ বাবে সন্ত্রাসৰ কাৰণ হৈ পৰিছে চিলনী চোৰ । এনে ঘটনা মহানগৰীত নিতৌ সংঘটিত হৈ আহিছে । এইবাৰ প্ৰয়াত এছ আই জোনমণি ৰাভাৰ মাতৃৰ ডিঙিৰ পৰা থপিয়াই নিলে সোণৰ চেইন ।

শুকুৰবাৰে নিশা জোনমণিৰ মাতৃক চিলনী চোৰে আক্ৰমণ কৰি চিঙি লৈ গ’ল ডিঙিৰ সোণৰ চেইন । নিশা প্রায় ৯ বজাত কাহিলীপাৰাৰ ঘৰৰ সন্মুখতে সংঘটিত হৈছে এই ঘটনাটো । বাইকত অহা দুটা দুর্বৃত্তই কাঢ়ি নিলে সুমিত্রা ৰাভাৰ ডিঙিৰ সোণৰ চেইন । দুৰ্বৃত্তই ভাঙি থৈ গ’ল প্ৰয়াত জোনমণি ৰাভাৰ মাতৃৰ ম’বাইল ফোনো । এই আক্রমণত আঘাতপ্রাপ্ত হৈছে জোনমণি ৰাভাৰ মাতৃ ।

লগতে পঢ়ক:পিষ্টল দেখুৱাই দুৰ্বৃত্তই কাঢ়ি নিলে সোণৰ চেইন: আহত মহিলা - Chain Snatching