মৰিয়নীত ভয়ংকৰ অগ্নিকাণ্ড: ছাই হ'ল কেইটাবাও ঘৰ

যোৰহাট : যোৰহাট জিলাত পুনৰ ভয়ংকৰ অগ্নিকাণ্ড । নিমিষতে ভস্মীভূত কেইবাটাও বাসগৃহ । মৰিয়নীৰ গান্ধী নগৰত নিশা সংঘটিত হয় এই অগ্নিকাণ্ড । মৰিয়নী পৌৰসভাৰ এগৰাকী ৱাৰ্ড মেম্বাৰৰ বাসগৃহত দেওবাৰে নিশা জুইৰ সূত্ৰপাত হয় বুলি জানিব পৰা গৈছে । কিছু মুহূৰ্তৰ ভিতৰতে জুই অঞ্চলটোত বিয়পি পৰে । ফলত কেইবাটাও বাসগৃহ ভস্মীভূত হয় । আনহাতে জুইত লক্ষাধিক টকাৰ সা-সম্পত্তি নষ্ট হোৱাৰ লগতে প্ৰয়োজনীয় নথি-পত্ৰও জাহ গৈছে । স্থানীয় লোকৰ খবৰৰ ভিত্তিত কিছু পলমকৈ অগ্নি নিৰ্বাপক বাহিনী উপস্থিত হয় আৰু অগ্নি নিৰ্বাপণ কৰে । অৱশ্যে ইতিমধ্যে বাসগৃহকেইটা প্ৰায় জ্বলি গৈছিল । আনহাতে জুইৰ সূত্ৰপাত কেনেকৈ হ'ল সেই বিষয়ে বৰ্তমানেও নিশ্চিত তথ্য লাভ কৰা হোৱা নাই । অৱশ্যে একাংশ লোকে শ্বট চাৰ্কিটৰ ফলত এয়া হোৱা বুলি সন্দেহ কৰিছে । যোৰহাট জিলাখনত এনেধৰণৰ এটাৰ পিছত আন এটা ঘটনাই আতংকিত কৰি ৰাখিছে ৰাইজক ।

লগতে পঢ়ক :তেজেৰে ৰাঙলী বিধায়ক বলীন চেতিয়াৰ চৰকাৰী আৱাস ! কি ঘটিছিল দেওবাৰে দুপৰীয়া ?