ডেম্পত ভয়াবহ অগ্নিকাণ্ড, লক্ষাধিক টকাৰ সা-সামগ্ৰী ভস্মীভূত - fire breaks out in Demp

মৰাণ, 28 মাৰ্চ : ডিব্ৰুগড় জিলাৰ দুলীয়াজানত বুধবাৰৰ নিশা ভয়াবহ অগ্নিকাণ্ডৰ ঘটনা সংঘটিত হয় । দুলীয়াজানৰ হুকুটা চাৰিআলিত অৱস্থিত ৰাজ কুমাৰ গুপ্তাৰ ডেম্পত সংঘটিত হয় এই অগ্নিকাণ্ড । জুয়ে নিমিষতে আগুৰি ধৰে লোহাৰ-লংকৰ আদি সা-সামগ্ৰী মজুত কৰি ৰখা গুদামটো । 

এই অগ্নিকাণ্ডৰ পাচতেই অইল ইণ্ডিয়া লিমিটেডৰ দুখনকৈ অগ্নিনিৰ্বাপক বাহিনী ঘটনাস্থলীত উপস্থিত হৈ জুই নিয়ন্ত্ৰণ কৰে ৷ নিশা কোনো দুৰ্বৃত্তই ডেম্পটোত চুৰি কৰিবলৈ আহি একো সামগ্ৰী নাপাই জুই লগাই দিয়াৰ সন্দেহ প্ৰকাশ কৰিছে গুদামটোৰ স্বত্বাধিকাৰীয়ে । এই অগ্নিকাণ্ডত কেইবা লক্ষাধিক টকাৰ সা-সামগ্ৰী ভস্মীভূত হোৱা বুলি জানিব পৰা গৈছে । ঘটনাস্থলীত নিশাই আৰক্ষী উপস্থিত হৈ অগ্নিকাণ্ডৰ সন্দৰ্ভত তদন্ত আৰম্ভ কৰিছে । এই ঘটনাৰ আঁৰত কোন লোক জড়িত হৈ আছে এতিয়ালৈ সেই বিষয়ে জানিবলৈ পৰা হোৱা নাই ৷

লগতে পঢ়ক: গাঁতত পুতি থোৱা অৱস্থাত উদ্ধাৰ সত্তৰোৰ্ধৰ ব্যক্তিৰ মৃতদেহ - DEADBODY RECOVERED