লখিমপুৰত বন্যহস্তীৰ আক্রমণত এজনৰ মৃত্যু - WILD ELEPHANT MENACE

 লখিমপুৰ, ৬ আগষ্ট : লখিমপুৰ জিলাৰ চিয়াজুলীৰ দীৰ্ঘা নাহৰবাৰী গাঁৱত সোমবাৰে নিশা বন্যহস্তীৰ তাণ্ডৱ । হাতী খেদিবলৈ গৈ হাতীৰ আক্ৰমণত মৃত্যু হ'ল এজন লোকৰ । মাজনিশা সংঘটিত ঘটনাটোত হাতীৰ আক্ৰমণত নিহত লোকজন হৈছে দীৰ্ঘা নাহৰবাৰী মগৰ চুকৰ তিল বাহাদুৰ মগৰ ওৰফে ৰামু । হাতীৰ আক্ৰমণত আহত হয় মুন নায়ক নামৰ আন এজন লোক ।

সমীপৰ দীৰ্ঘা বনাঞ্চলৰ পৰা ওলাই অহা বনৰীয়া হাতীয়ে মংগল গড় নামৰ লোকজনৰ ঘৰ ভঙা শুনি হাতী খেদিবলৈ ওলাই অহা ৰামুক হাতীয়ে খেদি গৈ থেকেচি গুৰুতৰভাৱে আহত কৰে । পাচত আহত ৰামুক চিকিৎসাৰ বাবে ডিব্ৰুগড়লৈ নিয়াৰ পথত মৃত্যু হয় । বন্যহস্তীৰ আক্ৰমণত নিহত তিল বাহাদুৰ ওৰফে ৰামুৰ দৰিদ্ৰ পৰিয়ালক ক্ষতিপূৰণ দিয়াৰ দাবী জনাইছে গোৰ্খা ছাত্ৰ সন্থাৰ লখিমপুৰ জিলা সমিতিয়ে । 

লগতে পঢ়ক: পবিতৰাৰ হাতীৰ গচকত মৃত্যু মাউতৰ: বন বিভাগৰ ৪ লাখ টকাৰ এককালীন সাহায্য - Pobitora Wildlife Sanctuary