পাৰিবাৰিক কন্দলৰ ভয়ংকৰ পৰিণতি, পত্নীৰ হাতত নিহত স্বামী - Murder in Mirza

মিৰ্জা,৯ এপ্ৰিল: দক্ষিণ কামৰূপৰ জামবাৰীত সংঘটিত হৈছে চাঞ্চল্যকৰ ঘটনা । পত্নীৰ হাতত প্ৰাণ গল স্বামীৰ । পত্নীয়ে ডিঙি চেপি হত্যা কৰিলে স্বামীক ৷ পত্নীৰ হাতত প্ৰাণ হেৰুৱালে চাৰ্কীত ব্ৰহ্ম নামৰ লোকজনে ৷ নিহত চাৰ্কীত ব্ৰহ্মৰ সৈতে দীৰ্ঘদিন ধৰি কাজিয়া চলি আহিছিল পত্নীৰ ৷ দুয়োৰে ঘৰ বিজনীৰ উলুবাৰীত বুলি জানিব পৰা গৈছে । ছয়গাঁও জামবাৰীৰ ঔদ্যোগিক কেন্দ্ৰ এলেকাত থকা এটা কোম্পানীত কৰ্মসূত্ৰে জামবাৰীৰ চহিদুল ইছলামৰ ঘৰত ভাড়াতীয়া হৈ আছিল এই দম্পতি ৷  

পাৰিবাৰিক কন্দলৰ ফলতে নিজ স্বামীক হত্যা কৰা বুলি স্বীকাৰ কৰে পত্নীয়ে ৷ ঘটনাস্থলীত জামবাৰী আৰক্ষী উপস্থিত হৈ পত্নীক আটক কৰে ৷ ন বছৰ পূৰ্বে বিবাহপাশত আৱদ্ধ হোৱা দুই সন্তানৰ মাতৃৰ এনে কাৰ্যত তীব্ৰ চাঞ্চল্য বিৰাজ কৰিছে সমগ্ৰ জামবাৰী অঞ্চলত । 

লগতে পঢ়ক: মোমায়েকে ৰন্ধা কাঠফুলাৰ আঞ্জাই প্ৰাণ ল'লে কণমানি ভাগিনীৰ - Mushroom Poisoning