টিংখাঙৰ খিলঞ্জীয়া পৰিয়ালক ভূমি পট্টা বিতৰণ মন্ত্ৰী বিমল বড়াৰ

মৰাণ, 28 ফেব্ৰুৱাৰী : টিংখাং বিধানসভা সমষ্টিত বুধবাৰে মিছন বসুন্ধৰা 2.0 ৰ অধীনত খিলঞ্জীয়া লোকক ভূমি পট্টা প্ৰদান অনুষ্ঠান অনুষ্ঠিত হয় ৷ সমষ্টিটোৰ টিংখাং ৰাজহ চক্ৰৰ অধীনত 4,296 গৰাকী আৰু মৰাণ ৰাজহ চক্ৰৰ অধীনত 2,765 গৰাকী, সৰ্বমুঠ 7,062 টা খিলঞ্জীয়া পৰিয়ালক অসম চৰকাৰে প্ৰদান কৰে ভূমি পট্টা ৷  

টিংখাঙৰ ৰাজগড় চাহ বাগিচা খেলপথাৰত অনুষ্ঠিত এই ভূমি পট্টা প্ৰদান অনুষ্ঠানত মন্ত্ৰী তথা টিংখাঙৰ বিধায়ক বিমল বড়া ,কেন্দ্ৰীয় ৰাজ্যিক মন্ত্ৰী ৰামেশ্বৰ তেলী, ৰাজ্যৰ শ্ৰম , চাহ জনজাতি কল্যাণ মন্ত্ৰী সঞ্জয় কিষাণ , সোণোৱাল-কছাৰী স্বায়ত্ত শাসিত পৰিষদৰ মুখ্য কাৰ্যবাহী সদস্য টংকেশ্বৰ সোণোৱাল, ডিব্ৰুগড়ৰ জিলা আয়ুক্ত বিক্ৰম কৈৰী, চুকাফা সমন্বয় ক্ষেত্ৰৰ অধ্যক্ষ ড৹ দয়ানন্দ বৰগোঁহাই আদিয়ে অংশগ্ৰহণ কৰে ৷ অসমৰ মুখ্যমন্ত্ৰী ড৹ হিমন্ত বিশ্ব শৰ্মাৰ নেতৃত্বত বৰ্তমান অসমৰ খিলঞ্জীয়া লোকে ভূমিৰ অধিকাৰ লাভ কৰিবলৈ সক্ষম হৈছে বুলি মন্ত্ৰী বিমল বড়াই মন্তব্য কৰে ৷

লগতে পঢ়ক : শিৱসাগৰ বিশ্ববিদ্যালয়ত বিজ্ঞান দিৱস উদযাপন