কুলধৰ শইকীয়াক 'সাহিত্যৰথী ৰসৰাজ লক্ষ্মীনাথ বেজবৰুৱা বঁটা' প্ৰদান

শিৱসাগৰ: সদৌ শিৱসাগৰ জিলা ছাত্ৰ সন্থাই বুধবাৰে সাহিত্য অকাডেমি বঁটাপ্ৰাপক, অসম সাহিত্য সভাৰ প্ৰাক্তন সভাপতি ড৹ কুলধৰ শইকীয়াক প্ৰদান কৰে 'সাহিত্যৰথী ৰসৰাজ লক্ষ্মীনাথ বেজবৰুৱা বঁটা'।  

এই অনুষ্ঠানটোত আছুৰ সভাপতি উৎপল শৰ্মাৰ লগতে কুলধৰ শইকীয়াই ভাষণ প্ৰদান কৰে । আদৰণি ভাষণ প্ৰদান কৰে সদৌ অসম ছাত্ৰ সন্থাৰ কাৰ্যনিৰ্বাহক সদস্য সমীৰণ ফুকনে । অনুষ্ঠানটোৰ আঁত ধৰে সদৌ শিৱসাগৰ জিলা ছাত্ৰ সন্থাৰ সম্পাদক দীপাংকৰ শইকীয়াই ।

শিৱসাগৰ চহৰৰ কালী প্ৰসাদ সোঁৱৰণি ভৱনত অনুষ্ঠিত এই বঁটা প্ৰদান অনুষ্ঠানত আছুৰ সভাপতি উৎপল শৰ্মা, গড়গাঁও মহাবিদ্যালয়ৰ অধ্যক্ষ তথা শিৱসাগৰ প্ৰেছ ক্লাৱৰ সভাপতি লেখক ড৹ সব্যসাচী মহন্ত, আছুৰ প্ৰাক্তন নেতা শৰৎ হাজৰিকা, আছুৰ কাৰ্যনিৰ্বাহক সদস্য সমীৰণ ফুকন, সদৌ শিৱসাগৰ জিলা ছাত্ৰ সন্থাৰ সভাপতি মানস হাজৰিকা ,লক্ষ্মীনাথ বেজবৰুৱাৰ পৰিয়ালৰ সদস্য়, আছুৰ কৰ্মকৰ্তাসকল উপস্থিত থাকে ।

লগতে পঢ়ক:সীমা বিশ্বাসলৈ 2024 বৰ্ষৰ সন্মানীয় আইদেউ সন্দিকৈ বঁটা