দুধনৈৰ পৰা বিজেপিৰ ৰাষ্ট্ৰীয় সভাপতিৰ প্ৰচাৰ সভা LIVE - JP NADDA IN DUDHNOI

নিউজ ডেস্ক, 18 এপ্ৰিল: বৃহস্পতিবাৰে অসমত দ্বিতীয় পৰ্যায়ৰ নিৰ্বাচনী প্ৰচাৰৰ বাবে আহিল বিজেপিৰ ৰাষ্ট্ৰীয় সভাপতি ৷ কোকৰাঝাৰৰ পিচত দুধনৈৰ ৰাজহুৱা খেলপথাৰত বিজেপিৰ ৰাষ্ট্ৰীয় সভাপতি জগৎ প্ৰসাদ নাড্ডাই চলাইছে নিৰ্বাচনী প্ৰচাৰ ৷ গুৱাহাটী লোকসভা সমষ্টিৰ বিজেপি প্ৰাৰ্থী বিজুলী কলিতা মেধিৰ হৈ নিৰ্বাচনী প্ৰচাৰ চলাইছে বিজেপিৰ ৰাষ্ট্ৰীয় সভাপতিগৰাকীয়ে ৷  উল্লেখ্য যে সমষ্টি পুনৰ গঠনৰ পিচত প্ৰথমবাৰৰ বাবে গোৱালপাৰা অন্তৰ্ভুক্ত হ’ল গুৱাহাটী লোকসভা সমষ্টিত ৷ সেয়ে বৃহস্পতিবাৰে জিলাখনৰ দুধনৈত গুৱাহাটী সমষ্টিৰ প্ৰাৰ্থী বিজুলী কলিতা মেধিৰ হৈ নিৰ্বাচনী প্ৰচাৰ চলাবলৈ আহিল ৰাষ্ট্ৰীয় নেতাগৰাকী ৷প্ৰথম পৰ্যায়ৰ নিৰ্বাচনৰ বাবে বুধবাৰে প্ৰধানমন্ত্ৰী মোদীয়ে অসমত শেষবাৰৰ বাবে চলাইছিল নিৰ্বাচনী প্ৰচাৰ ৷ মিত্ৰজোঁটৰ প্ৰাৰ্থী ফণীভূষণ চৌধুৰীৰ হৈ প্ৰচাৰ চলায় প্ৰধানমন্ত্ৰীগৰাকীয়ে ৷