স্প’ৰ্টছ ডেস্ক: ৰোহিত শৰ্মা নেতৃত্বাধীন টীম ইণ্ডিয়াই বৃহস্পতিবাৰে অষ্ট্ৰেলিয়াৰ প্ৰধানমন্ত্ৰী এন্থনী এলবানিজক সাক্ষাৎ কৰে ৷ অষ্ট্ৰেলিয়াৰ প্ৰধানমন্ত্ৰীগৰাকীয়ে দ্বিতীয় মেচখনৰ পূৰ্বে ফেডাৰেল পাৰ্লিয়ামেণ্ট হাউচত এক অভ্যৰ্থনা অনুষ্ঠান অনুষ্ঠিত কৰে ।
প্ৰধানমন্ত্ৰী এলবানিজৰ অফিচিয়েল 'এক্স' হেণ্ডেলে ভাৰতৰ প্ৰধানমন্ত্ৰী নৰেন্দ্ৰ মোদীৰ বাবে এটা বাৰ্তাৰ সৈতে বৈঠকৰ ফটো শ্বেয়াৰ কৰিছিল ।
পোষ্টটোত লিখা আছিল, "এই সপ্তাহত মানুকা অভেলত পি এম একাদশৰ সন্মুখত এক মহান ভাৰতীয় দলৰ বিৰুদ্ধে ডাঙৰ প্ৰত্যাহ্বানত মিলিত হ’ব ৷ কিন্তু মই প্ৰধানমন্ত্ৰী নৰেন্দ্ৰ মোদীক কোৱাৰ দৰে মই অষ্ট্ৰেলিয়াৰ দলটোক কামটো সম্পন্ন কৰিবলৈ সমৰ্থন জনাইছো" ৷
Big challenge ahead for the PM’s XI at Manuka Oval this week against an amazing Indian side. ⁰⁰
— Anthony Albanese (@AlboMP) November 28, 2024
But as I said to PM @narendramodi, I’m backing the Aussies to get the job done. pic.twitter.com/zEHdnjQDLS
কেনবৰাত ভাৰতীয় উচ্চায়োগেও বৈঠকৰ মুখ্য বিষয়সমূহ ভাগ-বতৰা কৰিছিল । "মাননীয় প্ৰধানমন্ত্ৰীয়ে দেশৰ ৰাজধানীৰ মানুকা অভেলত প্ৰধানমন্ত্ৰী একাদশ বনাম ভাৰতৰ খেলখনৰ পূৰ্বে ফেডাৰেল সংসদ ভৱনত এক অভ্যৰ্থনা অনুষ্ঠানৰ আয়োজন কৰে ।
ভাৰতীয় দলটো বৃহস্পতিবাৰে পুৱা পাৰ্থৰ পৰা কেনবৰাত উপস্থিত হৈছিল । তেওঁলোকে শনিবাৰে মানুকা অভেলত প্ৰধানমন্ত্ৰী একাদশৰ বিৰুদ্ধে এখন দিবা-নৈশ খেলত অংশগ্ৰহণ কৰিব ৷ উল্লেখ্য যে, ৰোহিত শৰ্মাৰ অনুপস্থিতিত যশপ্ৰীত বুমৰাহ নেতত্বাধীন টীম ইণ্ডিয়াই পাৰ্থত অনুষ্ঠিত ব’ৰ্ডাৰ-গাভাস্কাৰ ট্ৰফীৰ প্ৰথমখন টেষ্টত অষ্ট্ৰেলিয়াৰ বিৰুদ্ধে 295 ৰাণৰ জয় সাব্যস্ত কৰে ৷ তদুপৰি পাঁচখন মেচৰ টেষ্ট শৃংখলাটোত 1-0 ত অগ্ৰগতি লাভ কৰে ৷
পাৰ্থ টেষ্টত ভাৰতে অষ্ট্ৰেলিয়াক 534 ৰাণৰ লক্ষ্য নিৰ্ধাৰণ কৰি দিয়াৰ পিছত চতুৰ্থ দিনটোত দলটোৱে আটাইকেইটা উইকেট হেৰুৱাই সংগ্ৰহ কৰে মাত্ৰ 238 ৰাণ ৷ প্ৰথমবাৰৰ বাবে পাৰ্থৰ ভূমিত ঘৰুৱা দলটোক ভাৰতে পৰাজিত কৰিবলৈ সক্ষম হয় ৷
পূৰ্বে 1977 চনত মেলব’ৰ্ণত অষ্ট্ৰেলিয়াৰ বিৰুদ্ধে 222 ৰাণত টেষ্ট মেচত জয়লাভ কৰিছিল ভাৰতে ৷ 2018-19 বৰ্ষৰ পৰা অষ্ট্ৰেলিয়াত অনুষ্ঠিত হোৱা বিগত নখন টেষ্ট মেচত এয়া ভাৰতৰ পঞ্চমটো জয় ।
লগতে পঢ়ক: অষ্ট্ৰেলিয়াৰ বিৰুদ্ধে ঘোষণা কৰা এদিনীয়া দলত অসমৰ উমা ছেত্ৰী
