ভেটাপাৰাৰ বাহিনী নৈত মৃত নৱজাতক উদ্ধাৰ - new born dead body rescued

গুৱাহাটী, ১০ জুন : মহানগৰীৰ ভেটাপাৰাত এটি মৃত নৱজাতক উদ্ধাৰ কৰা হৈছে । বাহিনী নৈত উপঙি থকা অৱস্থাত উদ্ধাৰ কৰা হয় মৃতদেহটি । প্ৰথমে এটা বস্তাৰ ভিতৰত নৱজাতকটো সোমাই থোৱা প্ৰত্যক্ষ কৰি স্থানীয় লোকে আৰক্ষীক খবৰ দিয়ে ৷ খবৰ লাভ কৰাৰ লগে লগে হাতীগাঁও আৰক্ষীয়ে ঘটনাস্থলীত উপস্থিত হৈ মৃতদেহটো উদ্ধাৰ কৰে ।

স্থানীয় ৰাইজে প্ৰকাশ কৰা অনুসৰি কোনো হৃদয়হীনৰ অপকৰ্মৰ ফলত জন্ম হৈছিল এই দেৱ শিশুটিৰ । নিজ ভুল লুকুৱাবলৈ কোনো পিতৃ-মাতৃয়ে এনেদৰে নিজ সন্তানটোক নৈত দলিয়াই থৈ যায় । হাতীগাঁও আৰক্ষীয়ে ইতিমধ্যে মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে ব্যৱস্থা কৰিছে । ঘটনাক কেন্দ্ৰ কৰি অঞ্চলজুৰি তীব্ৰ চাঞ্চল্যই বিৰাজ কৰিছে ।

লগতে পঢ়ক: নৈশ বাছত দুৰ্বৃত্তৰ শিলগুটি নিক্ষেপ - Throwing stone to night super bus