কাজিৰঙা এক্সপ্ৰেছত আনিছিল সোণৰ বিস্কুট, চাৰিজনক কৰায়ত্ত আৰক্ষীৰ - Gold Smuggling

বঙাইগাঁও, ২৬ জুন: নিউ বঙাইগাঁও ৰে'ল ষ্টেচনত আৰক্ষীয়ে অভিযান চলাই কাজিৰঙা এক্সপ্ৰেছত জব্দ কৰে অবৈধভাৱে সৰবৰাহ কৰা ১৮ খনকৈ সোণৰ বিস্কুট । লগতে ৰে'ল আৰক্ষীয়ে আটক কৰে ৪ টা সোণ সৰবৰাহকাৰীক । এই সোণ সৰবৰাহকাৰী কেইটাৰ পৰা বিদেশী মুদ্ৰাও জব্দ কৰে ৰে'ল আৰক্ষীয়ে । আৰক্ষীয়ে জব্দ কৰা সোণখিনিৰ ওজন প্ৰায় ৩৬০ গ্ৰাম । এই সোণখিনিৰ বজাৰ মূল্য ২৫ লক্ষাধিক টকা ।

সৰবৰাহকাৰীয়ে ভূটানৰ পৰা দক্ষিণ ভাৰতলৈকে নি থকাৰ সময়তে নিউ বঙাইগাঁও ৰে'ল ষ্টেচনত জব্দ কৰা হয় এই সোণখিনি । সোণসহ আটক হোৱা সৰবৰাহকাৰী কেইটা হৈছে ক্ৰমে আব্দুল ৰহমান, মধু কুমাৰ, ৰাজকুমাৰ, কলীয়াপেৰুমল আৰু প্ৰাগদিশ্বৰণ পিভিআৰ । ইতিমধ্যে অসম ৰে'ল আৰক্ষীয়ে সমগ্ৰ ঘটনাৰ তদন্ত আৰম্ভ কৰিছে ।

লগতে পঢ়ক:হোজাইত চুৰি সোণসহ আটক গহণা ব্যৱসায়ী : প্ৰশাসনে বিপনী কৰিলে ছীল - Gold Smuggling In Hojai