ধনৰ ভাগ বাটোৱাৰাক লৈ কিন্নৰৰ মাজত সংঘাত - Transgender fight

নলবাৰী,১৮ জুলাই : নলবাৰী জিলাত কিন্নৰৰ দুই ফৈদৰ মাজত প্ৰচণ্ড কাজিয়া । ধনৰ ভাগ বটোৱাৰাক কেন্দ্ৰ কৰি দুই ফৈদৰ মাজত এই কাজিয়াৰ সূত্ৰপাত হয় । নলবাৰী সদৰ থানা পালেগৈ এই কাজিয়া । কিন্নৰৰ দুই ফৈদে নলবাৰী আৰক্ষী থানাত ন্যায় বিচাৰি প্ৰতিবাদো সাব্যস্ত কৰে । অভিযোগ অনুসৰি নলবাৰীৰ কিন্নৰক বৰপেটাৰ আন কিন্নৰে প্ৰহাৰ কৰে । এই ঘটনাত এগৰাকী কিন্নৰ সামান্য আহত হয় । যাৰ বাবে নলবাৰী আৰক্ষী থানা চৌহদত দুয়োটা ফৈদৰ মাজত উত্তেজনাৰ সৃষ্টি হয় ।

অভিযোগ অনুসৰি বৰপেটাৰ কিন্নৰ মুস্কানে নলবাৰীৰ চামতাৰ নিতুমণিক প্ৰহাৰ কৰাৰ লগতে ঘৰ-মাটি খালী কৰিবলৈ ভাবুকি প্ৰদান কৰে । ইফালে নলবাৰীৰ এটা পৰিয়ালৰ অনুষ্ঠানৰ মাননিৰ ধনক লৈ তেওঁলোকৰ মাজত কাজিয়াৰ সূত্ৰপাত হয় । একাংশৰ অভিযোগ অনুসৰি পৰিয়ালটোৱে দিয়া মাননীৰ সকলো ধন নলবাৰীৰ কিন্নৰে আত্মসাৎ কৰে । আনকি দুয়োটা ফৈদৰ কাজিয়াৰ মীমাংসা কৰিবলৈ গুৱাহাটীৰ পৰাও কিন্নৰৰ এটা দল নলবাৰীত উপস্থিত হয় । ইফালে এই ঘটনাক কেন্দ্ৰ কৰি অঞ্চলটোত তীব্ৰ উত্তেজনাৰ সৃষ্টি হয় ।

লগতে পঢ়ক :কা বাতিলৰ দাবীত উত্তাল হৈ পৰিল লখিমপুৰ-ধেমাজি - Protest Against CAA