কলাইগাঁৱত নিৰ্বাচনী প্ৰচাৰ মুখ্যমন্ত্ৰী হিমন্ত বিশ্ব শৰ্মাৰ - Lok Sabha Election 2024

ওদালগুৰি, 19 এপ্ৰিল : ওদালগুৰিৰ কলাইগাঁৱত নিৰ্বাচনী প্ৰচাৰ মুখ্যমন্ত্ৰী হিমন্ত বিশ্ব শৰ্মাৰ ৷ দৰং-ওদালগুৰি লোকসভা সমষ্টিৰ বিজেপি প্ৰাৰ্থী দিলীপ শইকীয়াৰ হৈ মুখ্যমন্ত্ৰীগৰাকীয়ে নিৰ্বাচনী প্ৰচাৰ চলায় ৷ মুখ্যমন্ত্ৰীগৰাকীয়ে সাংবাদিকৰ আগত দৰং-ওদালগুৰিত ফলাফল চাবই নালাগে আগতেই ঘোষণা হৈ গৈছে বুলি মন্তব্য কৰে ৷ তেওঁ লগতে কয় যে সমষ্টিটোত দ্বিতীয় আৰু তৃতীয়ৰ মাজতহে প্ৰতিযোগিতা হ’ব ৷ সোণৰ পদক পোৱাজনে আগৰফালে চায়, তেওঁ কোনে ৰূপৰ পদক পালে জানিবলৈ পিচলৈ ঘুৰি নাচায় বুলি কয় মুখ্যমন্ত্ৰীজনে ৷  

ইফালে নিজৰ ভাষণত ৰেচন কাৰ্ড থকা প্ৰতিজনকে অৰুনোদয় আঁচনি দিয়াৰ প্ৰতিশ্ৰুতি দিয়ে মুখ্যমন্ত্ৰী ড৹ শৰ্মাই ৷ আনহাতে প্ৰায় তিনি লাখ ভোটৰ ব্যৱধানত দিলীপ শইকীয়া জয়ী হ'ব বুলিও মন্তব্য কৰে তেওঁ ৷ সভাত মুখ্যমন্ত্ৰীৰ লগতে বি টি আৰ প্ৰধান প্ৰমোদ বড়ো, বিধায়ক দিগন্ত কলিতা, বিধায়ক পৰমানন্দ ৰাজবংশী, বি টি চিৰ কাৰ্যবাহী সদস্য দিগন্ত বৰুৱা, সঞ্জিত তাঁতীৰ লগতে কেবাগৰাকীও নেতা উপস্থিত থাকে ৷ 

লগতে পঢ়ক : অসমৰ তিনিটা সমষ্টিত বিৰামহীন‌ সভা কৰি জে পি নাড্ডাৰ নিৰ্বাচনী ৰণডংকা - LOK SABAHA ELECTION 2024