মঙলদৈত বসন্ত দাসপন্থী কংগ্ৰেছীৰ সমূহীয়া পদত্যাগ

মঙলদৈ, ৬ মাৰ্চ : দৰং জিলা কংগ্ৰেছত পদত্যাগৰ জোৱাৰ । প্ৰায় কংগ্ৰেছশূন্য হ’ল দৰং জিলা ৷ দৰং জিলা মহিলা কংগ্ৰেছৰ সভানেত্ৰী অনিতা ৰাজবংশীসহ তিনি শতাধিক সদস্য আৰু বিষয়ববীয়াৰ পদত্যাগ । জিলাখনৰ পূব মঙলদৈ, পশ্চিম মঙলদৈ আৰু মঙলদৈ টাউন ব্লকৰ তিনিটা ব্লকৰ ২৬ গৰাকী সভাপতি, বিভিন্ন মণ্ডলৰ বিষয়ববীয়া আৰু সদস্যই সমূহীয়াভাৱে পদত্যাগ কৰে ।

উল্লেখ্য যে ৰাজ্যিক যুৱ কংগ্ৰেছৰ সম্পাদক অঞ্জন ডেকায়ো বুধবাৰে পদত্যাগ কৰে । ইফালে জিলাখনৰ ৮ গৰাকী সাধাৰণ সম্পাদকো আছে পদত্যাগী কংগ্ৰেছীসকলৰ ভিতৰত । 

উল্লেখ্য যে এই আটাইকেইগৰাকী কংগ্ৰেছীয়ে বিধায়ক বসন্ত দাসৰ পক্ষত লৈ পদত্যাগ কৰা বুলি জানিব পৰা গৈছে । আনহাতে, পদত্যাগী কংগ্ৰেছীসকলে বৃহস্পতিবাৰে বিজেপি দলত যোগদান কৰাৰ সম্ভাৱনা আছে ।

লগতে পঢ়ক :কংগ্ৰেছৰ সৈতে মিত্ৰতা ভংগ কৰিব তৃণমূল কংগ্ৰেছে