ভোটগণনা দেখি আশাবাদী ৰ’জলিনা তিৰ্কী - LOK SABHA ELECTION RESULTS 2024

হোজাই, 4 জুন : 8 বজাৰ লগে লগে ৰাজ্যত আৰম্ভ হয় ভোটগণনা প্ৰক্ৰিয়া ৷ ৰাজ্যৰ 50 খন নিৰ্বাচনী জিলাৰ 52 টা কেন্দ্ৰৰ 152 টা হলৰ 1941 খন টেবুলত ভোটগণনাৰ ব্যৱস্থা । নিয়োজিত কৰা হৈছে 5823 গৰাকী কাউণ্টিং ষ্টাফ আৰু 64 গৰাকী সাধাৰণ নিৰীক্ষক ।  অসমৰ প্ৰেক্ষাপটত বিজেপিয়ে কেইবাখনো আসনত অগ্ৰগতি লাভ কৰিছে ।

লোকসভা নিৰ্বাচনৰ প্ৰাৰ্থীসকলে ভোটগণনা কেন্দ্ৰত উপস্থিত হৈ নিজ নিজ প্ৰতিক্ৰিয়া প্ৰদান কৰিছে ৷ শেহতীয়াকৈ হোজাইত উপস্থিত হৈছে কংগ্ৰেছৰ প্ৰাৰ্থী ৰ’জলীনা তিৰ্কী ৷ সাংবাদিকৰে সৈতে হোৱা সাক্ষাৎকাৰত তেওঁ এই নিৰ্বাচনৰ ফলাফলক লৈ আশাবাদী বুলি মত প্ৰকাশ কৰে ৷ মন কৰিবলগীয়া যে শেহতীয়া ফলাফল অনুসৰি যোৰহাটত কংগ্ৰেছৰ গৌৰৱ গগৈ, নগাঁৱত প্ৰদ্যুৎ বৰদলৈ, ধুবুৰীত ৰকিবুল হুছেইন নিশ্চিত জয়ৰ দিশে আগুৱাইছে ৷ অনুৰূপভাৱে কৰিমগঞ্জ সমষ্টিতো কংগ্ৰেছ প্ৰাৰ্থী হাফিজ ৰছিদ আহমেদ চৌধুৰী যথেষ্ট ভোটত আগবাঢ়ি আছে ৷

লগতে পঢ়ক : চূড়ান্ত ফলাফল ঘোষণাৰ পূৰ্বেই বিজেপিৰ কাৰ্যালয়ত মিঠাই বিতৰণ নোমল মমিনৰ - LOK SABHA ELECTION RESULTS 2024