'ভবা ধৰণে ফলাফল পাইছো': বিজুলী কলিতা মেধি - Lok Sabha Election Results 2024

গুৱাহাটী,৪ জুন : লোকসভা নিৰ্বাচনৰ ভোটগণনা অব্যাহত আছে । ইতিমধ্যে বিজেপি মিত্ৰজোঁটে দেশত অগ্ৰগতি লাভ কৰিছে । অসমৰ ১৪ খন আসনৰ ভিতৰতো গৰিষ্ঠসংখ্যক আসনত বিজেপি মিত্ৰজোঁটে আগবাঢ়ি আছে । ইয়াৰ মাজতে গুৱাহাটী লোকসভা সমষ্টিৰ বিজেপি প্ৰাৰ্থী বিজুলী কলিতা মেধি উপস্থিত হয় মহানগৰীৰ মণিৰাম দেৱান ট্ৰেড চেণ্টাৰ । য'ত ভোটগণনা প্ৰক্ৰিয়া চলি আছে ।

লগতে পঢ়ক :এন ডি এ নে ইণ্ডি এলায়েন্স ? কোন মন্ত্ৰী-বিধায়কে কৰিলে কি দাবী - LOK SABHA ELECTION RESULTS 2024

প্ৰাৰ্থীগৰাকীৰ মতে গুৱাহাটীৰ ৰাইজে যেনেকৈ মৰম দিছে তেনেকৈ আজি ফলাফল লাভ কৰিছে । যাৰ বাবে সকলো ভোটাৰকে তেওঁ ধন্যবাদ জ্ঞাপন কৰে । আনহাতে কংগ্ৰেছ প্ৰাৰ্থীগৰাকী সন্দৰ্ভত তেওঁ কয় যে বিগত ৩ মাহে কংগ্ৰেছ প্ৰাৰ্থীগৰাকীয়ে বহুত কথা ক'লে । সেয়েহে তেওঁ আজি একো নকয় । কংগ্ৰেছ প্ৰাৰ্থীগৰাকীক উদ্দেশ্যি তেওঁ কয় যে 'কথাৰে নহয় বন্ধু কামেৰে পৰিচয়' । তেওঁৰ মতে গণতন্ত্ৰত ৰাইজে ৰজা । তেওঁৰ মতে ৰাইজে যেনেকৈ বিচাৰিছে তেনেকৈ হ'ব । ভবা ধৰণে ফলাফল পোৱা গৈছে বুলি তেওঁ উল্লেখ কৰে ।

লোকসভা নিৰ্বাচনৰ ফলাফলৰ অধিক বা-বাতৰিৰ বাবে ক্লিক কৰক :

https://www.etvbharat.com/en/!elections/election-2024