বীৰচক্ৰ জিণ্টু গগৈক স্মৰণ পিতৃ-মাতৃৰ; চৰকাৰৰ প্ৰতি আক্ষেপ প্ৰকাশ পৰিয়ালৰ - Death anniversary of Jintu Gogoi
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Jun 30, 2024, 2:19 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/30-06-2024/640-480-21832137-thumbnail-16x9-jintu-aspera.jpg)
গোলাঘাট, ৩০ জুন : আজি বীৰচক্ৰ কেপ্টেইন জিণ্টু গগৈৰ ২৫ সংখ্যক মৃত্যু দিৱস । ১৯৯৯ চনত ভাৰত পাকিস্তানৰ মাজত হোৱা কাৰ্গিল যুদ্ধত বীৰদৰ্পে জপিয়াই পৰি দেশৰ বাবে প্ৰাণাহুতি দিয়া বীৰ শ্বহীদ গৰাকীক সোঁৱৰিছে সমগ্ৰ দেশে । শ্বহীদ গৰাকীৰ মৃত্যু তিথিৰ দিনা গোলাঘাট জিলাৰ খুমটাইস্থিত জিণ্টু গগৈৰ সমাধিক্ষেত্ৰত শ্ৰদ্ধাঞ্জলি জনাই স্মৰণ কৰিলে পিতৃ-মাতৃ, পৰিয়ালৰ লোকৰ লগতে স্থানীয় বহু দল সংগঠনে ।
দেশৰ বাবে প্ৰাণ বিসৰ্জন দিয়া শ্বহীদ গৰাকীক ৰাজ্য চৰকাৰৰ লগতে গোলাঘাট জিলা প্ৰশাসনে চৰম অপমান কৰাৰ অভিযোগ একাংশৰ । কিয়নো শ্বহীদগৰাকীৰ সমাধি ক্ষেত্ৰত শ্ৰদ্ধাঞ্জলি জনাবলৈ সময় নহ'ল গোলাঘাট জিলা প্ৰশাসনৰ কোনো লোক । প্ৰশাসনৰ পৰা তিলমানো সহাঁৰিও নাপাই আক্ষেপ প্ৰকাশ কৰিছে শ্বহীদগৰাকীৰ পিতৃ-মাতৃয়ে ।
কেমেৰাৰ সন্মুখতে উচুপি উঠিল শ্বহীদগৰাকীৰ মাতৃয়ে । মাতৃয়ে ৰোমন্থন কৰিলে জিন্টু গগৈ জন্মৰ সময়ৰ কাহিনী ৷ ইফালে কেপ্টেইনগৰাকীৰ মৃত্যুৰ ২৫ টা বছৰ পাৰ কৰা পাচত আজিকোপতি চৰকাৰৰ দ্বাৰা লোৱা নহ'ল কোনো এটাও পদক্ষেপ ।