বিজপিয়ে সমষ্টিয়ে সমষ্টিয়ে প্ৰেৰণ কৰিলে ২৮ খনকৈ বাহন

গুৱাহাটী, ৬ মাৰ্চ: ‘‘আকৌ এবাৰ মোদী চৰকাৰ, এইবাৰ ৪০০ পাৰ’’ শ্লোগানৰে নিৰ্বাচনী ৰণক্ষেত্ৰত বিজেপি । বুধবাৰে বশিষ্ঠস্থিত ভাৰতীয় জনতা পাৰ্টীৰ মুখ্য কাৰ্যালয়ৰ পৰা বিজেপিয়ে প্ৰতিটো সমষ্টিলৈ প্ৰেৰণ কৰিলে নিৰ্বাচনী প্ৰচাৰ বাহন ।

বিকশিত ভাৰতৰ সংকল্প যাত্ৰা, মোদীৰ গেৰাণ্টিৰ এই ২৮ খন বাহন যাব ৰাজ্যৰ ১৪ টা সমষ্টিলৈ । ২৮ খন বাহনৰ ৪ খন বাহন বৰাক উপত্যাকালৈ পঠিওৱা হ’ব । বাহনসমূহত আছে LCD TV,  চি চি কেমেৰাৰ ব্যৱস্থা, বিকশিত ভাৰতৰ উন্নয়নৰ ইতিবৃত্ত, প্ৰধানমন্ত্ৰী, মুখ্যমন্ত্ৰীৰ ভাষণ অহৰহ চলি থকাৰ ব্যৱস্থা থাকিব বাহনসমূহত ।

১৫ মাৰ্চলৈকে সংকল্প পত্ৰৰ বাবে বাহনৰ জৰিয়তে বিজেপিয়ে সংগ্ৰহ কৰিব মতামত । প্ৰচাৰ বাহনসমূহ মুকলি কৰি পূৱ গুৱাহাটী সমষ্টিৰ বিধায়ক সিদ্ধাৰ্থ ভট্টাচাৰ্যই কয় যে এই বাহনসমূহৰ জৰিয়তে তৃণমূল পৰ্যায়ৰ পৰা সংকল্পপত্ৰ সন্দৰ্ভত মতামত লোৱা হ’ব ।

উক্ত মতামতসমূহ দিল্লীলৈ পঠিওৱা হ’ব । পৰামৰ্শৰ বাবে ৰাইজক বিশেষ কাৰ্ড দিয়া হ'ব ।  সেই কাৰ্ডত পৰামৰ্শ লিখি এটা বাকচত দিব লাগিব ৰাইজে । ইয়াৰোপৰি নমো এপৰ জৰিয়তেও জনতাই পৰামৰ্শ দিব পাৰিব । ৯০৯০৯০২০২৪ নম্বৰতো অনলাইনযোগে ভইচ মেছেজৰ জৰিয়তে দিব পাৰিব পৰামৰ্শ ।

আনহাতে বিজেপিৰ কাৰ্যকৰ্তাসকল জনতাৰ ঘৰে ঘৰে যাব বুলিও জানিবলৈ দিয়ে বিধায়কগৰাকীয়ে ।

লগতে পঢ়ক: কংগ্ৰেছৰ চৰকাৰ আহিলে কা বাতিল কৰা হ'ব : কংগ্ৰেছ নেতা পৱন খেৰা