8 মাৰ্চত ডিব্ৰুগড়ত অনুষ্ঠিত হ'ব সদৌ অসম ভিত্তিত মহিলা হাফ মাৰাথন প্ৰতিযোগিতা

ডিব্ৰুগড়, 4 মাৰ্চ : প্ৰতি বছৰে 8 মাৰ্চ তাৰিখে পালন কৰা হয় আন্তৰ্জাতিক নাৰী দিৱস । নাৰীসকলৰ সামাজিক ন্যায় প্ৰতিষ্ঠা কৰা উদ্দেশ্যে এই দিৱস উদযাপন কৰা হয় । এইবাৰ ডিব্ৰুগড়ত নাৰী দিৱস উপলক্ষে অনুষ্ঠিত কৰা হ'ব সদৌ অসম ভিত্তিত মহিলা হাফ মাৰাথন প্ৰতিযোগিতা । দেওবাৰে এক সংবাদমেলযোগে এই কথা সদৰী কৰে ডিব্ৰুগড় লেডিজ ফিটনেছ চেন্টাৰৰ সদস্যসকলে ৷

অনুষ্ঠানৰ আয়োজকসকলে উল্লেখ কৰা অনুসৰি, 8 মাৰ্চত ডিব্ৰুগড়ত অনুষ্ঠিত কৰা হ'ব সদৌ অসম ভিত্তিত মহিলা হাফ মাৰাথন প্ৰতিযোগিতা । নাৰী দিৱসৰ উপলক্ষে "হাৰাথন" ডিব্ৰুগড় লেডিজ ফিটনেছ চেন্টাৰৰ উদ্যোগত অনুষ্ঠিত হ'ব লগীয়া সদৌ অসম ভিত্তিত মহিলা হাফ মাৰাথন প্ৰতিযোগিতাখনিত মুখ্য অতিথি হিচাপে উপস্থিত থাকিব আন্তঃৰাষ্ট্ৰীয় বক্সাৰ লাভলীনা বৰগোঁহাঞি ।

লগতে, উক্ত দিনাই আন্তঃৰাষ্ট্ৰীয় বক্সাৰ লাভলীনা বৰগোঁহাঞিৰ লগত মত বিনিময় আৰু এটি আলোচনা চক্ৰও অনুষ্ঠিত হ'ব ৷ এই কথা উল্লেখ কৰে উদ্যোক্তাসকলে ৷

লগতে পঢ়ক : জিন্টু গগৈ সোঁৱৰণী আন্তঃজিলা ছাব জুনিয়ৰ ছোৱালী খো-খো প্ৰতিযোগিতাৰ সামৰণি