অসমৰ আটাইকেইখন আসনেই লাভ কৰিব বিজেপি মিত্ৰজোঁটে: অতুল বৰা - Loksabha Election 2024

নগাঁও,২৮ মাৰ্চ: বৃহস্পতিবাৰে বিয়লি নগাঁও জিলা অগপ কাৰ্যালয়ত অনুষ্ঠিত হয় দলটোৰ এখন গুৰুত্বপূৰ্ণ সভা । অগপৰ সভাপতি অতুল বৰা, কাৰ্যকৰী সভাপতি কেশৱ মহন্তৰ উপস্থিতিত দলীয় সভা চলি থকাৰ মাজতে অগপ কাৰ্যালয়ত অনুষ্ঠিত হোৱা অগপৰ দলীয় সভাত উপস্থিত হয় মিত্ৰজোঁটৰ প্ৰাৰ্থী সুৰেশ বৰা । নগাঁও সদৰ সমষ্টিৰ বিধায়ক ৰূপক শৰ্মাৰ লগত প্ৰাৰ্থী সুৰেশ বৰা উপস্থিত হৈ অংশগ্ৰহণ কৰে অগপৰ দলীয় সভাত । নগাঁও সংসদীয় সমষ্টিৰ আটাইকেইটা বিধানসভা সমষ্টিৰ সমষ্টি কমিটিক লৈ অনুষ্ঠিত কৰা বৈঠকত মিত্ৰজোঁটৰ প্ৰাৰ্থীক জয়ী কৰোৱাৰ ৰণকৌশল প্ৰস্তুত কৰে আঞ্চলিক দল অগপই ।  

দলীয় সভাৰ অন্তত সংবাদ মাধ্যমক সম্বোধন কৰি অসমৰ আটাইকেইখন আসনেই বিজেপি মিত্ৰজোঁটে লাভ কৰিব বুলি দাবী কৰে অগপৰ সভাপতি অতুল বৰাৰ লগতে কাৰ্যকৰী সভাপতি কেশৱ মহন্তই । নগাঁও সমষ্টিৰ মিত্ৰজোঁটৰ প্ৰাৰ্থী সুৰেশ বৰাক দেশৰ প্ৰধানমন্ত্ৰী নৰেন্দ্ৰ মোদী আৰু ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মা চৰকাৰৰ কামৰ প্ৰতি সন্তুষ্ট হৈ সংখ্যাগুৰু ভোটাৰৰ লগতে এইবাৰ সংখ্যালঘু ভোটাৰেও সমৰ্থন কৰিব বুলি দাবী দলটোৰ দুই শীৰ্ষ নেতা অতুল বৰা আৰু কেশৱ মহন্তৰ ।

লগতে পঢ়ক: দৰা হ'ব কোন ? মুখ্যমন্ত্রীৰ এটা ভিডিঅ' পোষ্টক লৈ ব্যাপক প্ৰতিক্ৰিয়া - Himanta Biswa Sarma