হায়দৰাবাদ: Oppo য়ে শেহতীয়াকৈ ভাৰতত মুকলি কৰে A3x 5G । স্মাৰ্টফোনটোত স্নেপড্ৰেগন 6এছ জেন 1 চিপছেট আছে, যিটো 4GB ৰেমৰ সৈতে সংযুক্ত । কোম্পানীটোৱে জনোৱা মতে, ই এণ্ড্ৰইড 14 ভিত্তিক কলাৰঅ’এছ 14 ত চলিব আৰু ইয়াত 45 ৱাট ফাষ্ট চাৰ্জিং সমৰ্থনৰ সৈতে 5100 এমএএইচ বেটাৰী আছে । Oppo A3x 4G ত 8 মেগাপিক্সেলৰ পিছফালৰ কেমেৰাৰ লগতে 5 মেগাপিক্সেলৰ চেলফি কেমেৰা আছে । ইয়াত 90Hz ৰিফ্ৰেছ ৰেটৰ সৈতে 6.67 ইঞ্চি এলচিডি স্ক্ৰীণ আছে ।
ভাৰতত Oppo A3x 4G মূল্য, উপলব্ধতা
ভাৰতত Oppo A3x 4G ৰ মূল্য 1000 টকা নিৰ্ধাৰণ কৰা হৈছে । 4GB ৰেম আৰু 64 GB ষ্ট’ৰেজৰ সৈতে বেছ মডেলৰ বাবে 8999 টকা, আনহাতে 128GB ষ্ট’ৰেজ ভেৰিয়েণ্টটো 9999 টকাত উপলব্ধ । 29 অক্টোবৰৰ পৰা অপ্পোৰ অনলাইন ষ্ট’ৰ আৰু অফলাইন খুচুৰা বজাৰৰ জৰিয়তে নেবুলা ৰেড আৰু অ’চেন ব্লু ৰঙত বিক্ৰী কৰা হ’ব এই হেণ্ডছেটটো ।
Oppo A3x 4G স্পেচিফিকেশন, বৈশিষ্ট্য
ডুৱেল চিম (Nano+Nano) Oppo A3x 4G কলাৰঅ’এছ 14 ত চলিব, যিটো এণ্ড্ৰইড 14 ৰ ওপৰত ভিত্তি কৰি তৈয়াৰ কৰা হৈছে । ইয়াত 6.67 ইঞ্চি এইচডি+ (720x1,604 পিক্সেল) এলচিডি স্ক্ৰীণৰ বৈশিষ্ট্য আছে যাৰ সৈতে 90 হাৰ্টজ ৰিফ্ৰেছ ৰেট আৰু 100 নিটছ পৰ্যন্ত শীৰ্ষ উজ্জ্বলতা আছে । হেণ্ডছেটটোত কোৱালকমৰ অক্টা কোৰ স্নেপড্ৰেগন 6 এছ জেন 1 চিপছেট আছে, যিটো 4GB এলপিডিডিআৰ4এক্স ৰেমৰ সৈতে সংযুক্ত ।
ফটো আৰু ভিডিঅ’ৰ বাবে স্মাৰ্টফোনটোত 78 ডিগ্ৰী ফিল্ড অৱ ভিউ আৰু f/2.0 এপাৰচাৰৰ সৈতে 8 মেগাপিক্সেলৰ পিছফালৰ কেমেৰা আছে । সন্মুখত ইয়াৰ 5 মেগাপিক্সেলৰ চেলফি কেমেৰা আছে যিটো ৱাটাৰড্ৰপ ষ্টাইলৰ ডিছপ্লে কাটআউটত অৱস্থিত আৰু ইয়াৰ ফিল্ড অৱ ভিউ 78 ডিগ্ৰী আৰু f/2.2 এপাৰচাৰ আছে ।
আপুনি Oppo A3x 4G ত 128GB পৰ্যন্ত eMMC 5.1 ষ্ট’ৰেজ পাব, যিটো এটা MicroSD কাৰ্ড স্লট ব্যৱহাৰ কৰি সম্প্ৰসাৰিত কৰিব পাৰি । ইয়াত 4G এলটিই, ডুৱেল বেণ্ড ৱাই-ফাই, ব্লুটুথ 5.0 আৰু জিপিএছ সংযোগৰ লগতে ইউএছবি টাইপ-চি প’ৰ্ট আৰু 3.5 মিমি হেডফোন প’ৰ্ট আছে ।
