নিউজ ডেস্ক, 11 ছেপ্টেম্বৰ: বজাৰত মুকলি হ’ল বিশ্বৰ প্ৰথমটো ফল্ডেবল স্মাৰ্টফোন ৷ বৰ্তমান বজাৰত ভাঁজ কৰিব পৰা মোবাইল ফোনৰ চাহিদা বৃদ্ধি হোৱালৈ লক্ষ্য ৰাখি কোম্পানীসমূহে ট্ৰাই-ফল্ড স্মাৰ্টফোন নিৰ্মাণৰ বাবে চিন্তা-চৰ্চা অব্যাহত ৰাখিছিল ৷ অৱশ্যে Huawei এ ট্ৰিপল ফ’ল্ডেবল ডিছপ্লেৰ সৈতে বিশ্বৰ প্ৰথমটো ফ’ল্ডেবল স্মাৰ্টফোন মুকলি কৰি এই দৌৰত সকলোকে পৰাস্ত কৰিবলৈ সক্ষম হৈছে । Mate XT নামেৰে অভিহিত এই স্মাৰ্টফোনটোত আছে 10.2 ইঞ্চিৰ ডিছপ্লে যিটো তিনিবাৰ ভাঁজ কৰি নিয়মীয়া ফোন সদৃশ ফৰ্ম ফেক্টৰত ফিট হ’ব পাৰে ।
ফোনটোৰ দাম কিমান
হুৱেইয়ে চীনত এই ফোনটো 1999 ইউয়ান বা 2800 ডলাৰত মুকলি কৰিছে ৷ যিটো ভাৰতীয় হিচাপত মোটামুটিভাৱে 2,35,000 টকা । ফোনটো আন দুটা কনফিগাৰেচনত আছে – 16GB + 512GB আৰু 16GB + 1TB যাৰ মূল্য ক্ৰমে 21999 ইউয়ান আৰু 23999 ইউয়ান ।
কেৱল চীনত মুকলি কৰা এই ফোনটো 20 ছেপ্টেম্বৰৰ পৰা ডেলিভাৰী আৰম্ভ হ’ব । অৱশ্যে বিশ্বৰ আন কোনো দেশত ফোনটো মুকলি কৰা সন্দৰ্ভত কোম্পানীটোৱে একো জনোৱা নাই ৷
Huawei Mate XT ৰ বৈশিষ্ট্যসমূহ
Huawei Mate XT ত 10.3 ইঞ্চি ভাঁজ কৰিব পৰা OLED ডিছপ্লে আছে, যিয়ে সম্পূৰ্ণৰূপে আনফল্ড কৰিলে বৃহৎ স্ক্ৰীণ হৈ পৰে । ইয়াত 5600mAh বেটাৰী আছে আৰু ইয়াৰ সহায়ত 66 ৱাট ফাষ্ট চাৰ্জিং আছে।
স্মাৰ্টফোনটোত ট্ৰিপল কেমেৰা ছেটআপ আছে, য’ত আছে 50 মেগাপিক্সেলৰ মেইন কেমেৰা,12 মেগাপিক্সেলৰ আল্ট্ৰাৱাইড লেন্স আৰু 12 মেগাপিক্সেলৰ পেৰিস্কোপ লেন্স, যিয়ে 5.5x অপটিকেল জুম প্ৰদান কৰে ।
ট্ৰিপল-ফোল্ডেবল ডিজাইনে ডিভাইচটোক দুটা হিঞ্জ ব্যৱহাৰ কৰি জেড আকৃতিত ভাঁজ কৰিবলৈ অনুমতি দিয়ে, যাৰ ফলত তিনিটা সুকীয়া ডিছপ্লে এৰিয়া সৃষ্টি হয় । ব্যৱহাৰকাৰীয়ে স্ক্ৰীনখন আংশিকভাৱে ভাঁজ কৰিব পাৰে ।
