তেজপুৰ, ২৭ জুন : শোণিতপুৰৰ মাজবাট, ঢেকীয়াজুলিত সংঘটিত কিশোৰী ধৰ্ষণৰ ঘটনাই ৰাজ্যজুৰি ব্যাপক প্ৰতিক্ৰিয়া অব্যাহত ৰাখিছে ৷ তেনে সময়তে জিলাখনৰ ঠেলামৰা অঞ্চলত সংঘটিত আন এক ধৰ্ষণৰ ঘটনাই অঞ্চলজুৰি ব্যাপক চাঞ্চল্যৰ সৃষ্টি কৰিছে ৷ উত্তেজনাময় পৰিস্থিতিৰ ব্যাপক অৱনতি ঘটাত শোণিতপুৰ আৰক্ষীৰ শীৰ্ষ বিষয়াৰ নেতৃত্বত বিপুল সংখ্যক আৰক্ষীৰ মোতায়েন কৰিবলগীয়া হয় ঠেলামৰাত ৷
উত্থাপিত অভিযোগ অনুসৰি বৃহস্পতিবাৰে আনাৰুল খান নামৰ এজন যুৱকে ঠেলামৰা তেলীয়া গাঁৱৰ এগৰাকী নৱম শ্ৰেণীৰ ছাত্ৰীক হাতত ধৰি জংঘলৰ মাজলৈ নি শাৰীৰিক নিৰ্যাতনৰ চেষ্টা চলায় ৷ ছাত্ৰীগৰাকীয়ে চিঞৰ-বাখৰ কৰাত যুৱকজন পলাই যায় ৷ লগেলগে স্থানীয় ৰাইজৰ উপস্থিতিত কিশোৰীগৰাকীক উদ্ধাৰ কৰিবলৈ সক্ষম হয় ৷
আনাৰুল নামৰ লোকজনে কিশোৰীগৰাকীক ধৰ্ষণৰ লক্ষ্য কৰি লোৱাৰ অভিযোগত ইতিমধ্যে আৰক্ষীয়ে গোচৰ ৰুজু কৰিছে । আৰক্ষীয়ে জনোৱা মতে ছাত্ৰীগৰাকীৰ তৰফৰ পৰা বিয়লি ঘটনা সন্দৰ্ভত অৱগত কৰোৱা হয় আৰু আৰক্ষীয়ে ইতিমধ্যে অভিযুক্তক গ্ৰেপ্তাৰ কৰিছে ৷
লগতে পঢ়ক: সাত বছৰীয়া নাবালিকাৰ ধৰ্ষণ তথা হত্যাকাৰীক যাৱজ্জীৱন কাৰাদণ্ড বিহিলে আদালতে
ইয়াৰ পিচতে আদিবাসী ছাত্ৰ সন্থাৰ লগতে স্থানীয় ৰাইজে ঘটনাৰ সংক্ৰান্তত গাঁৱৰ মাজত প্ৰতিবাদ সাব্যস্ত কৰি ঠেলামৰা আৰক্ষী থানা ঘেৰাও কৰে । বৃহস্পতিবাৰে বিয়লি ঠেলামৰা অঞ্চলত সংঘটিত এই ঘটনা পোহৰলৈ অহাৰ পিচতে ক্ষোভিত জনসাধাৰণে ঠেলামৰা আৰক্ষী থানাত এক উত্তপ্ত পৰিস্থিতিৰ সৃষ্টি কৰে যদিও পৰৱৰ্তী সময়ত আৰক্ষীয়ে পৰিস্থিতি নিয়ন্ত্ৰণ কৰে ৷ শোণিতপুৰ জিলাৰ আৰক্ষী অধীক্ষক বৰুণ পুৰকায়স্থই ই টিভি ভাৰতক জনাই যে ইতিমধ্যে অপৰাধীক গ্ৰেপ্তাৰ কৰিছে আৰু পৰিস্থিতি নিয়ন্ত্ৰণত আছে ।
উল্লেখযোগ্য যে, ওদালগুৰি জিলাৰ মাজবাটত এগৰাকী যুৱতীক ধৰ্ষণ কৰাৰ পিচত অভিযুক্তই পলাবলৈ চেষ্টা কৰাত গুলীচালনা কৰিবলগীয়া হৈছিল আৰক্ষীয়ে । ইয়াৰ পিচতে ঢেকিয়াজুলি আৰক্ষী থানাৰ অন্তৰ্গত অৰুণ চাহ বাগিচাত সংঘটিত হয় আন এটা ধৰ্ষণৰ ঘটনা ৷ অৰুণ চাহ বাগিচাৰ মাজত দশম শ্ৰেণীৰ এগৰাকী ১৫ বছৰীয়া ছাত্ৰীক এটা নৰপিশাচে ধৰ্ষণ কৰি পলায়ন কৰা ঘটনাই তীব্ৰ চাঞ্চল্যৰ সৃষ্টি কৰিছে বৃহত্তৰ অঞ্চলটোত ৷
লগতে পঢ়ক: ককাদেউতাকৰ কামনাৰ বলি বিশেষভাৱে সক্ষম নাতিনী
ঘটনাৰ বিৱৰণী অনুসৰি ২৪ জুনৰ সন্ধিয়া প্ৰায় ৬:৩০ বজাত টিউশ্যনৰ পৰা উভতি অহাৰ পথত দশম শ্ৰেণীত অধ্যয়নৰত কিশোৰীগৰাকীৰ লগতে এই ঘটনা সংঘটিত হয় ৷ চাইকেলৰ পৰা বলপূৰ্বকভাৱে কিশোৰীগৰাকীক নমাই অৰুণ চাহ বাগিচাৰ মাজলৈ টানি নি এই জঘন্য কাণ্ড সংঘটিত কৰে ঢেকিয়াজুলিৰ ১ নং পলাশবস্তি গাঁৱৰ ছহিদুল ইছলাম নামৰ পাষণ্ড এটাই ৷ ইতিমধ্যে ভুক্তভোগীৰ এজাহাৰৰ ভিত্তিত ধৰ্ষণকাৰী ছহিদুল ইছলামক গ্ৰেপ্তাৰ কৰে আৰক্ষীয়ে ।
এই দুই ঘটনাৰ পিচত বৃহস্পতিবাৰে পুৱা শোণিতপুৰ জিলাৰ বৰচলা সমষ্টিৰ আন এগৰাকী নৱম শ্ৰেণীৰ ছাত্ৰীৰ লগত শাৰীৰিক নিৰ্যাতনৰ ঘটনা সংঘটিত হোৱাত স্থানীয় ৰাইজৰ মাজত তীব্ৰ চাঞ্চল্যৰ সৃষ্টি হৈছে ।
লগতে পঢ়ক: প্ৰথমে কিশোৰীক ধৰ্ষণ, তাৰ পাচত গাঁৱৰ যুৱকক হত্যা; ন্যায়ৰ দাবীত জ্বলিছে ধেমাজি
