ডিব্ৰুগড়, 18 অক্টোবৰ: অসমীয়াৰ চেনেহৰ কাতি বিহুৰ দিনটোত উচ্চতম ন্যায়ালয়ে এক ঐতিহাসিক ৰায় প্ৰদান কৰিলে । এতিয়াৰে পৰা ১৯৭১ চনৰ ২৫ মাৰ্চেই হ’ব অসমৰ নাগৰিকত্বৰ ভিত্তিবৰ্ষ । উচ্চতম ন্যায়ালয়ৰ মুখ্য ন্যায়াধীশ ডি ৱাই চন্দ্ৰচূড়ৰ নেতৃত্বত গঠিত পাঁচজনীয়া বিচাৰপীঠে এই ৰায়দান কৰে ৷ চাৰিজন বিচাৰপতিয়ে ১৯৭১ চনৰ সপক্ষে আৰু এজনে ১৯৫১ চনৰ সপক্ষে সন্মতি প্ৰদান কৰাৰ লগে লগে ৪:১ অনুপাতত ১৯৭১ চনকেই নাগৰিকত্বৰ ভিত্তিবৰ্ষ হিচাপে নিৰ্ধাৰণ কৰা হয় ৷
উচ্চতম ন্যায়ালয়ৰ এই ৰায়ক ঐতিহাসিক ৰায়দান হিচাপে বিবেচিত কৰিছে অসমৰ ৰাইজে । কিয়নো দীৰ্ঘদিনৰ পৰা এই বিষয়ত প্ৰতিবাদ, আন্দোলন কৰি আহিছিল অসমৰ দল-সংগঠনে ৷ এই ৰায়ক বিভিন্ন জনে আদৰণি জনাইছে । উচ্চতম ন্যায়ালয়ৰ এই ঐতিহাসিক ৰায়ক আদৰণি জনাইছে অসম চৰকাৰ কেবিনেট মন্ত্ৰী বিমল বড়া আৰু ডিব্ৰুগড়ৰ বিধায়ক প্ৰশান্ত ফুকনে । ডিব্ৰুগড়ৰ টিংখাঙত কেবিনেট মন্ত্ৰী আৰু বিধায়কগৰাকীয়ে সংবাদ মাধ্যমৰ আগত মন্তব্য প্ৰকাশ কৰি ন্যায়ালয়ৰ ৰায়ক আদৰণি জনায় ।
অসমৰ ভিত্তিবৰ্ষক লৈ উচ্চতম ন্যায়ালয়ৰ ৰায়ক ঐতিহাসিক আখ্যা কেবিনেট মন্ত্ৰী বিমল বৰাৰ-
‘‘এই ৰায়দানে অসমৰ ৰাইজক মান্যতা প্ৰদান কৰিলে । খিলঞ্জীয়া ৰাইজৰ ৰীতি-নীতি বিপন্ন হোৱাত ছবছৰ ধৰি আনন্দোলন কৰিব লগা হৈছিল ৷ তেনেস্থলত এই ৰায়দানে অসমত সুদূৰ-প্ৰসাৰী প্ৰভাৱ পেলাব ।’’ এই মন্তব্য মন্ত্ৰী বিমল বড়াৰ ৷
কি ক'লে বিধায়ক প্ৰশান্ত ফুকনে ?
উচ্চতম ন্যায়ালয়ৰ ঐতিহাসিক ৰায়দানৰ পাচতে প্ৰতিক্ৰিয়া প্ৰকাশ কৰিছে ডিব্ৰুগড়ৰ বিধায়ক প্ৰশান্ত ফুকনে । সাংবাদিকৰ আগত প্ৰতিক্ৰিয়া প্ৰকাশ কৰি বিধায়ক ফুকনে কয়, ‘‘ন্যায়ালয়ে যি ৰায় দিছে, সেই ৰায় আমি আনন্দ মনেৰে মানি লৈছোঁ । এক দীঘলীয়া প্ৰক্ৰিয়াৰ মাজেৰে আগবাঢ়ি আজি উচ্চতম ন্যায়ালয়ে এই ৰায় প্ৰদান কৰিছে ।’’
লগতে পঢ়ক: বিদেশী চিনাক্তকৰণ আৰু বহিষ্কাৰৰ ক্ষেত্ৰত এক বাস্তৱ সিদ্ধান্ত: অতুল বৰা
অবৈধ নাগৰিকৰ পক্ষতে উচ্চতম ন্যায়ালয়ে ৰায়দান কৰিলে: মতিউৰ ৰহমান
