নগাঁও, 6 ছেপ্টেম্বৰ: কেৱল নগাঁও জিলাই নহয়, সমগ্ৰ ৰাজ্য জোকাৰি যোৱা ধিংকাণ্ডৰ দুই অভিযুক্তই আত্মসমৰ্পণ কৰাৰ পাছত মুখ খুলিছে নগাঁও আৰক্ষীয়ে । শুকুৰবাৰে বিয়লি ধিঙৰ কিশোৰী ধর্ষণকাণ্ডৰ দুই অভিযুক্ত ফৰিদুল আৰু গোলাপ উদ্দিনে নগাঁও আৰক্ষী অধীক্ষকৰ কাৰ্যালয়ত আত্মসমৰ্পণ কৰে ৷ অসম সংখ্যলঘু সংগ্ৰাম পৰিষদৰ তৎপৰতাত দুই অভিযুক্তই আত্মসমৰ্পণ কৰা বুলি দাবী কৰিছিল সংখ্যালঘু সংগ্ৰাম পৰিষদে ।
পৰৱৰ্তী সময়ত সংবাদ মাধ্যমৰ সন্মুখত মন্তব্য কৰি সংগঠনটোৰ সহযোগতে দুই অভিযুক্তই আত্মসমৰ্পণ কৰাৰ কথা আওপকীয়াকৈ স্বীকাৰ কৰে নগাঁও জিলাৰ আৰক্ষী অধীক্ষক স্বপ্ননীল ডেকাই । অৱশ্যে দুই অভিযুক্তক বিচাৰি নগাঁও আৰক্ষীয়েও পৰিয়ালৰ সৈতে যোগাযোগ কৰা বুলি সংবাদ মাধ্যমৰ আগত উল্লেখ কৰে আৰক্ষী অধীক্ষক স্বপ্ননীল ডেকাই ।
ধিঙত কিশোৰী ধৰ্ষণৰ ঘটনা সংঘটিত হোৱাৰ এটা দিনৰ ভিতৰতেই তফাজ্জুল ইছলাম নামৰ এক অভিযুক্তক কৰায়ত্ব কৰিবলৈ সক্ষম হৈছিল নগাঁও আৰক্ষী । ঘটনাৰ সময়ত তফাজ্জুলৰ সৈতে আত্মসমৰ্পণ কৰা দুই অভিযুক্ত ফৰিদুল আৰু গোলাপ উদ্দিন একেখন বাইকতে থকাৰ প্ৰমাণ লাভ কৰাৰ কথাও উল্লেখ কৰে আৰক্ষী অধীক্ষক স্বপ্ননীল ডেকাই । ঘটনা সন্দৰ্ভত আৰক্ষীয়ে চলোৱা অনুসন্ধানত লাভ কৰা সকলো তথ্য প্ৰমাণ আদালতত দাখিল কৰা বুলিও উল্লেখ কৰে আৰক্ষী অধীক্ষক স্বপ্ননীল ডেকাই ।
উল্লেখযোগ্য যে, শুকুৰবাৰে বিয়লি নগাঁও আৰক্ষী অধীক্ষকৰ কাৰ্যালয়ত আত্মসমৰ্পণ কৰা দুই অভিযুক্ত ফৰিদুল আৰু গোলাপ উদ্দিনক জেৰা অব্যাহত ৰাখিছে নগাঁও আৰক্ষীয়ে । এই ঘটনাৰ আন এজন অভিযুক্ত তফাজ্জুলক গ্ৰেপ্তাৰৰ পিছতে নিশা ঘটনাস্থলী পৰ্যবেক্ষণৰ বাবে লৈ যোৱা হৈছিল ৷ সেই সময়তে আৰক্ষীৰ জিম্মাৰ পৰা পলায়নৰ চেষ্টা কৰি পুখুৰীত জপিওৱা অভিযুক্তজনৰ সলিল সমাধি ঘটে ৷ নগাঁও জিলাৰ লগতে সমগ্ৰ ৰাজ্যতে ধিংকাণ্ডৰ বিৰুদ্ধে প্ৰতিবাদৰ জোৱাৰ উঠিছিল আৰু অপৰাধীক কঠোৰতম শাস্তি বিহাৰ দাবী তুলিছিল বিভিন্নজনে ৷
লগতে পঢ়ক: ধিঙৰ কিশোৰী ধৰ্ষণকাণ্ডৰ দুই অভিযুক্তৰ আত্মসমৰ্পণ - Dhing Minor rape case
আৰক্ষীৰ হাতৰ পৰা পলাবলৈ পুখুৰীত জাঁপ; ধিং-কাণ্ডৰ মূল অভিযুক্তৰ সলিল সমাধি - Dhing rape case
