নগাঁও, 13 ফেব্ৰুৱাৰী: সোমবাৰে সদনৰ মজিয়াত মুখ্যমন্ত্ৰী ড৹ হিমন্ত বিশ্ব শৰ্মা নেতৃত্বাধীন চৰকাৰৰ চতুৰ্থখন পূৰ্ণাংগ বাজেট দাখিল কৰা হয় । বিত্তমন্ত্ৰী অজন্তা নেওগে দাখিল কৰা ৰাজ্য চৰকাৰৰ বাজেটক লৈ বিভিন্নজনে প্ৰকাশ কৰিছে প্ৰতিক্ৰিয়া । বিত্তমন্ত্ৰী অজন্তা নেওগে দাখিল কৰা বাজেটক লৈ ই টিভি ভাৰতৰ সন্মুখত মঙলবাৰে প্ৰতিক্ৰিয়া প্ৰকাশ কৰিছে কৃষক মুক্তি সংগ্ৰাম সমিতিৰ নগাঁও জিলা সমিতিয়ে ।
বিত্তমন্ত্ৰী অজন্তা নেওগে দাখিল কৰা বাজেটে কোনো স্তৰৰ লোককে কোনো উপকাৰ নকৰে বুলি উল্লেখ কৰে কৃষক মুক্তি সংগ্ৰাম সমিতিৰ নেতা জিতেন বৰাই । মুখ্যমন্ত্ৰী ডঃ হিমন্ত বিশ্ব শৰ্মাৰ শ্ৰুতলিপি মতে বিত্তমন্ত্ৰী অজন্তা নেওগে বাজেট দাখিল কৰা বুলি সমালোচনা কৰে কৃষক মুক্তি সংগ্ৰাম সমিতিৰ নেতাগৰাকীয়ে ৷ আগন্তুক লোকসভা নিৰ্বাচনৰ প্ৰতি লক্ষ্য ৰাখি ৰাজ্য চৰকাৰে কেৱল নিৰ্বাচনীমুখী বাজেট দাখিল কৰা বুলিও কটাক্ষ কৰে কৃষক মুক্তি সংগ্ৰাম সমিতিয়ে ।
সোমবাৰে দাখিল কৰা বাজেটত কেৱল হিতাধিকাৰী সৃষ্টি কৰি ৰাজ্য চৰকাৰে কেৱল চমক দিয়াৰ চেষ্টা কৰা বুলিও সমালোচনা কৰে কৃষক সংগঠনটোৱে । আনকি নিবনুৱা সমস্যা সমাধানৰ বাবে বাজেটত বিশেষ একো উল্লেখ নকৰা বুলিও কটাক্ষ কৰে কৃষক মুক্তি সংগ্ৰাম সমিতিৰ নেতাগৰাকীয়ে ।
তেওঁ কয় যে আজিও কেৰালা, হায়দৰাবাদ আদি বহিঃৰাজ্যৰ বিভিন্ন কোম্পানীত অসমৰ নিবনুৱাই কাম কৰিবলগীয়া হৈছে । বহিঃৰাজ্যৰ ব্যক্তিগত কোম্পানীত কৰ্মৰত যুৱক-যুৱতীক অসমলৈ ওভতাই আনি অসমত উদ্যোগ স্থাপন কৰি অসমৰ নিবনুৱা যুৱক-যুৱতীক সংস্থাপন দিয়াৰ দাবী উত্থাপন কৰে কৃষক মুক্তি সংগ্ৰাম সমিতিৰ নেতাগৰাকীয়ে ।
উল্লেখ্য যে উল্লেখ্য যে 2024-25 বৰ্ষৰ বাবে 774.47 কোটি টকাৰ ঘাটি বাজেট দাখিল কৰে বিত্তমন্ত্ৰী অজন্তা নেওগে ৷ বিভিন্ন শিতানৰ উৎসৰ পৰা 2024-25 বিত্তীয় বৰ্ষত ৰাজ্যখনে লাভ কৰিব মুঠ 1,43,605.56 কোটি টকা ৷ বছৰটোত ধাৰ্য কৰা ব্যয়ৰ পৰিমাণ হৈছে 2,88,560.71 কোটি টকা ৷
লগতে পঢ়ক: ৭৭৪.৪৭ কোটি টকাৰ ঘাটি বাজেট দাখিল বিত্তমন্ত্ৰী অজন্তা নেওগৰ
