শিলচৰ, ২৫ জুন: মণিপুৰত জাতিগত সংঘৰ্ষৰ পিচতে কাছাৰ জিলাত বহু শৰণাৰ্থীয়ে ভিৰ কৰা দেখা গৈছিল । যাক লৈ বিভিন্ন মহলত চৰ্চাও অব্যাহত আছে । তাৰ মাজতে অসম আৰু মণিপুৰ প্ৰশাসনৰ গুৰুত্বপূৰ্ণ বৈঠক । মণিপুৰৰ জিৰিবামৰ শেহতীয়া পৰিস্থিতিক লৈ কাছাৰৰ জিৰিঘাট আৰক্ষী চকীত জিৰিবাম আৰু কাছাৰ জিলা প্ৰশাসনৰ মাজত অনুষ্ঠিত হয় এই বৈঠক ।
মণিপুৰৰ জিৰিবাম আৰু অসমৰ কাছাৰ প্ৰশাসনৰ গুৰুত্বপূৰ্ণ বৈঠক (ETV Bharat) এই বৈঠকত উপস্থিত থাকে কাছাৰৰ জিলা আয়ুক্ত ৰোহন কুমাৰ ঝা, আৰক্ষী অধীক্ষক নোমাল মাহাত্তা আৰু মণিপুৰৰ জিৰিবাম জিলাৰ অতিৰিক্ত জিলা উপায়ুক্ত মনোৰঞ্জন টকচম আৰু অতিৰিক্ত আৰক্ষী অধীক্ষক থমাছ টকচম উপস্থিত থাকে ৷
লগতে পঢ়ক : অগ্নিগৰ্ভা মণিপুৰৰ জিৰিবাম আৰু কাছাৰ জিলাৰ আৰক্ষী অধীক্ষকৰ বৈঠক - Assam Manipur Border Situation
উল্লেখ্য যে, অসম-মণিপুৰ সীমান্তত থকা জিৰিবামত যোৱা কিছুদিন ধৰি গোষ্ঠী সংঘৰ্ষৰ ফলত এক উত্তপ্ত পৰিস্থিতিৰ সৃষ্টি হোৱা দেখা গৈছে ৷ গোষ্ঠী সংঘৰ্ষৰ পিচত আতংকিত হৈ জিৰিবাম এৰি কাছাৰত আহি আশ্ৰয় লৈছিল মণিপুৰৰ শতাধিক লোকে । এনে পৰিস্থিতিত সীমান্তত অঞ্চলত কাছাৰ জিলা প্ৰশাসনে যথেষ্ট তৎপৰতা গ্ৰহণ কৰিছে ।
লগতে পঢ়ক : কুকি-মেইটেইৰ মাজত পুনৰ সংঘৰ্ষৰ ফলত অগ্নিগৰ্ভা মণিপুৰ, কাছাৰত আশ্ৰয় বিচাৰি প্ৰৱেশ ৫ শতাধিকৰ - MANIPUR VIOLENCE
যাৰ বাবে সীমান্ত অঞ্চলত শান্তি সম্প্ৰতি বজাই ৰখাৰ লগতে বিভিন্ন বিষয়ত কাছাৰৰ জিৰিঘাটত দুয়োখন ৰাজ্যৰ প্ৰশাসনিক বিষয়াসকলে বৈঠকত অংশ লয় । বৈঠকৰ অন্তত কাছাৰ আৰু জিৰিবামৰ বিষয়াসকলে উল্লেখ কৰা মতে জিৰিবামৰ পৰিস্থিতি সম্প্ৰতি কিছু নিয়ন্ত্ৰণলৈ আহিছে ৷
লগতে পঢ়ক: মণিপুৰৰ মুখ্যমন্ত্ৰীৰ নিৰাপত্তাৰক্ষীৰ কনভয়ক লক্ষ্য কৰি গুলীচালনা; এজন আহত - MANIPUR VIOLENCE
জিৰিবামৰ পৰা কাছাৰত আহি আশ্ৰয় লোৱা লোকসকলক প্ৰশাসনে এতিয়া নিজ নিজ ঘৰলৈ উভতি যোৱাৰ আহ্বান জনাইছে । কাছাৰৰ জিলা আয়ুক্ত আৰু আৰক্ষী অধীক্ষকৰ মতে সাম্প্ৰতিক পৰিস্থিতিৰ প্ৰতি লক্ষ্য ৰাখি এতিয়া শৰণাৰ্থীসকলে নিজ নিজ ঘৰলৈ উভতি যাব পাৰে । এনে পৰিস্থিতিত লোকসকলক সম্পূৰ্ণ সুৰক্ষা আৰু নিৰাপত্তা প্ৰদান কৰা হ'ব বুলি আশ্বাস দিয়া হৈছে ।
লগতে পঢ়ক : কাছাৰত পুনৰ জিৰিবামৰ শৰণাৰ্থীৰ ভিৰ - Manipur Violence
