নিউজ ডেস্ক, 19 ছেপ্টেম্বৰ : আজি অসমৰ মুখ্যমন্ত্ৰী হিমন্ত বিশ্ব শৰ্মাই ৰাজ্যখনত দৰিদ্ৰতা দূৰীকৰণ কাৰ্যসূচীৰ লক্ষ্যৰে অৰুণোদয় আঁচনি 3.0 আৰম্ভ কৰে ৷ এই আঁচনিৰ অধীনত, ৰাজ্যখনৰ প্ৰতিগৰাকী যোগ্য মহিলাই প্ৰতি মাহৰ 10 তাৰিখে তেওঁৰ বেংক একাউণ্টত পোনপটীয়াকৈ 1,250 টকা লাভ কৰিব ।
অতিৰিক্ত 20 লাখ হিতাধিকাৰীক সামৰি অৰুণোদয় আঁচনি 3.0 এ ৰাজ্যখনৰ প্ৰায় 37.20 লাখ যোগ্য হিতাধিকাৰী পৰিয়ালক লাভান্বিত কৰিব ।
অৰুণোদয় আঁচনি কি ?
প্ৰত্যক্ষ লাভালাভ স্থানান্তৰৰ (DBT) জৰিয়তে অসমৰ অৰ্থনৈতিকভাৱে পিছপৰা পৰিয়ালবোৰক বিত্তীয় সাহায্য প্ৰদান কৰাৰ লক্ষ্যৰে 2 অক্টোবৰ, 2020 তাৰিখে অসম চৰকাৰে এই আঁচনিখন আৰম্ভ কৰিছিল । যাৰ জৰিয়তে ৰাজ্যৰ মহিলাকসকলক প্ৰতিমাহে এক নিৰ্দিষ্ট ধনৰাশি প্ৰদান কৰা হয় ৷
অৰুণোদয় 3.0 ৰ বাবে আবেদন প্ৰক্ৰিয়া 19 ছেপ্টেম্বৰ 2024 ৰ পৰা আৰম্ভ হ'ব।
অৰুণোদয় 3.0 আঁচনিৰ লাভালাভ
প্ৰতিজন হিতাধিকাৰীয়ে প্ৰতি মাহে 10 তাৰিখে প্ৰতি মাহে 1250 টকা লাভ কৰিব । এতিয়ালৈকে অৰুণোদয় আঁচনিয়ে প্ৰত্যক্ষ লাভালাভ স্থানান্তৰ পদ্ধতিৰ জৰিয়তে ৰাজ্যখনৰ 17 লাখ মহিলাক বিত্তীয় সাহায্য প্ৰদান কৰি আহিছে ।
হিতাধিকাৰীৰ বাবে অতিৰিক্ত 150 টকা
উল্লেখ্য যে 2023-24 বৰ্ষৰ বিত্তীয় বাজেটৰ জৰিয়তে এই আঁচনিৰ অধীনত হিতাধিকাৰীসকলক অতিৰিক্ত 150 টকা প্ৰদান কৰা হ'ব বুলি ঘোষণা কৰিছে অসমৰ বিত্তমন্ত্ৰীয়ে । ফলত হিতাধিকাৰীসকলে প্ৰতি মাহে লাভ কৰিব 1400 টকা ।
আঁচনিৰ লাভালাভসমূহ
| শিতান | পৰিমাণ |
| ঔষধ | 400 টকা |
| মাহজাতীয় শস্য | 200 টকা |
| চেনী | 80 টকা |
| ফল-মূল | 150 টকা |
| অত্যাৱশ্যকীয় সামগ্ৰী | 170 টকা |
| অন্যান্য 2 সামগ্ৰী | 250 টকা |
| অতিৰিক্ত | 150 টকা |
| মুঠ | 1400 টকা |
যোগ্যতাৰ চৰ্তাৱলী
- আৱেদনকাৰীসকল অসমৰ স্থায়ী বাসিন্দা হ'ব লাগিব ।
- আৱেদনকাৰীসকল বৰ্তমান অসমত বাস কৰা হ’ব লাগিব ।
- ঘৰুৱা উপাৰ্জন বছৰি ২ লাখ টকাতকৈ বেছি হ'ব নালাগিব ।
- হিতাধিকাৰীসকলৰ এটা বেংক একাউণ্ট আৰু নাম বেংক ৰেকৰ্ডৰ সৈতে মিলি থকাটো জৰুৰী ।
- মহিলা সদস্য নোহোৱা পৰিয়ালবোৰক এই সুবিধা দিয়া নহ'ব ৷
- বিধৱা, বিবাহ বিচ্ছেদ হোৱা মহিলা আৰু বিশেষভাৱে সক্ষমসকলক আবেদন প্ৰক্ৰিয়াত প্ৰাথমিকতা দিয়া হ’ব ।
- সকলো নিয়মীয়া কৰ্মচাৰীক আঁচনিখনত অন্তৰ্ভূক্ত কৰা নহ'ব ।
- অৱসৰপ্ৰাপ্ত চৰকাৰী বিষয়াকো এই আঁচনিত বাদ দিয়া হ'ব ।
- চাৰিচকীয়া বাহন থকা ঘৰবোৰো বাদ পৰিব ।
- আয়কৰদাতাসকলে আঁচনিৰ বাবে প্ৰপত্ৰ পূৰণ কৰিব নোৱাৰে ।
প্ৰয়োজনীয় নথিপত্ৰসমূহ
- আধাৰ কাৰ্ড
- পান কাৰ্ড
- অধিবাসীৰ প্ৰমাণপত্ৰ
- উপাৰ্জনৰ প্ৰমাণপত্ৰ
- বেংক পাছবুক
- ম'বাইল নম্বৰ
- পাছপোৰ্ট আকাৰৰ ফটো
- ৰেচন কাৰ্ড
