গুৱাহাটী, ৯ ছেপ্টেম্বৰ : হঠাৎ মাজনিশা মুখ্যমন্ত্ৰীৰ কনভয় উপস্থিত হয় দীঘলীপুখুৰীত । কিয় আচম্বিতে মুখ্যমন্ত্ৰী হিমন্ত বিশ্ব শৰ্মাই মাজনিশা গুৱাহাটীৰ মাজমজিয়াত উপস্থিত হয় ? কোনো অভিযান চলাবলৈ নহয়, আচলতে ৰিভাৰ্জ বেংকৰ পৰা গোপীনাথ বৰদলৈ পথ আৰু মণিৰাম দেৱান পথ হৈ নিৰ্মাণ কৰি থকা উৰণ সেতুখনৰ নিৰ্মাণ কাৰ্য বুজ লোৱাৰ বাবে মুখ্যমন্ত্ৰী হিমন্ত বিশ্ব শৰ্মা হঠাৎ গুৱাহাটীৰ মাজমজিয়াত উপস্থিত হয় ।
উল্লেখযোগ্য যে গুৱাহাটীৰ দীঘলীপুখুৰীৰ পৰা নুনমাটি এফ.চি. আইলৈ এই উৰণসেতুখন হৈ আছে । চাৰিটা লেনযুক্ত হ’বলগীয়া এই উৰণসেতুখনৰ দৈঘ্য প্ৰায় ৫.৫ কিলোমিটাৰ । প্ৰায় ৯৬০ কোটি টকা বাজেটেৰে এই উৰণসেতুখন নিৰ্মাণ হ’ব ।
মুখ্যমন্ত্ৰীয়ে X ত কয়, ‘‘মাজনিশা দীঘলীপুখুৰী-নুনমাটি উৰণসেতুৰ চলিত নিৰ্মাণ কাৰ্যৰ বুজ ললো । আমি ২০২৫ চনৰ মাৰ্চৰ ভিতৰত নুনমাটি-চান্দমাৰি অংশ আৰু বাকীখিনি ২০২৬ চনৰ আৰম্ভণিতে মুকলিৰ পৰিকল্পনা কৰিছো । সমান্তৰালভাৱে পৰৱৰ্তী সময়ত ৰাজগড় আৰু উলুবাৰীৰ দৰে গুৰুত্বপূৰ্ণ অঞ্চলৰ সৈতেও এই উৰণসেতুৰ আন্তঃসংযোগৰ ব্যৱস্থা কৰিম ।"
It's past midnight now. I just inspected the ongoing work of the Dighalipukhuri-Noonmati flyover.
— Himanta Biswa Sarma (@himantabiswa) September 8, 2024
We'll open the Noonmati-Chandmari stretch by March 2025 and the rest by early 2026. We will also interconnect this flyover with key areas like Rajgarh & Ulubari in the coming days. pic.twitter.com/gQuhwCtszm
মুখ্যমন্ত্ৰীয় সাংবাদিকৰ আগত সদৰী কৰা মতে, ৰিভাৰ্জ বেংকৰ পৰা গোপীনাথ বৰদলৈ পথ আৰু মণিৰাম দেৱান পথ হৈ নিৰ্মাণ কৰি থকা উৰণ সেতুখনৰ নিৰ্মাণৰ কাম সম্পূৰ্ণভাৱে সমাপ্ত হ’ব ২০২৬ চনৰ প্ৰথম ভাগত । ২০২৬ চনৰ জানুৱাৰীত এই উৰণ সেতুখন সম্পূৰ্ণ হ'ব ।
লগতে পঢ়ক : ৰঙিয়াত একেদিনাই আৰম্ভ দুখনকৈ উৰণসেতু নিৰ্মাণৰ কাম - Bhumi pujan in Rangia
অৱশ্যে শৰ্মাই সদৰী কৰা মতে, নুনমাটিৰ পৰা চানমাৰিৰ পুৰণি উৰণ সেতুক সংযোগ কৰি নিৰ্মীয়মান উৰণ সেতুখন সম্পূৰ্ণ অহা বছৰ মাৰ্চত ৰাইজৰ বাবে মুকলি কৰা হ'ব । বাকী চানমাৰিৰৰ পৰা ৰিজাৰ্ভ বেংকৰ অংশখিনি ২০২৬ চনৰ ৩১ জানুৱাৰীৰ ভিতৰত সম্পূৰ্ণ কৰা হ'ব ।
উল্লেখ্য যে, এই উৰণসেতুখনক সংযোগ কৰি ৰাজগড় আৰু উলুবাৰী দিশত দুখন উৰণ সেতু নিৰ্মাণ কৰা হ'ব । এই কথা ইতিমধ্যে মুখ্যমন্ত্ৰীয়ে সদৰী কৰিছে ।
আনহাতে সমাগত দুৰ্গা পূজাৰ সময়চোৱাত নুনমাটি আৰু চানমাৰি অংশৰ নিৰ্মাণ কাৰ্য সাময়িকভাৱে বন্ধ থাকিব বুলি ঘোষণা মুখ্যমন্ত্ৰীৰ ৷ লগতে, উৰণসেতু নিৰ্মাণ কাৰ্যৰ দুয়োকাষে বিধ্বস্ত ৰাজপথৰ মেৰামতি কৰি দিবলৈয়ো লোক নিৰ্মাণ বিভাগক নিৰ্দেশ দিয়া বুলি উৰণসেতুৰ নিৰ্মাণ কাৰ্য পৰিদৰ্শন কৰি সদৰী কৰে মুখ্যমন্ত্ৰীগৰাকীয়ে ৷
লগতে পঢ়ক : নাগৰিক সমিতি সন্মিলন; অসম আৰক্ষীক উচ্চ প্ৰশংসা মুখ্যমন্ত্ৰীৰ - Nagarik Samitis conference
