দৰং,২১ এপ্ৰিল: দৰং জিলাৰ মঙলদৈ সদৰ থানাৰ অন্তৰ্গত উদমাৰীত সংঘটিত হয় এক লোমহৰ্ষক হত্যাকাণ্ড । কাঠৰ বাতামেৰে মৰিয়াই মৰিয়াই হত্যা এজন লোকক । লোকজনক হত্যা কৰি পত্নীকো আক্ৰমণ হত্যাকাৰীৰ । উদমাৰী ভূৱনেশ্বৰ শৰ্মা নামৰ লোকজনে বাতামেৰে মৰিয়াই মৰিয়াই হত্যা কৰে একেখন গাঁৱৰে ডিম্বেশ্বৰ কলিতা নামৰ ৪০ বছৰীয়া লোকজনক ।
শনিবাৰে নিশাৰ ভাগত সংঘটিত হয় এই হত্যাকাণ্ড । মৃত ডিম্বেশ্বৰ কলিতাই ই-ৰিক্সা চলাই পৰিয়াল পোহপাল দি আছিল । নিশা প্ৰায় ১০:৩০ বজাত ডিম্বেশ্বৰ কলিতাৰ ঘৰত উপস্থিত হৈ ভূৱনেশ্বৰ শৰ্মা ওৰফে ভাইটীয়ে সংঘটিত কৰে এই হত্যাকাণ্ড । হত্যাকাৰী ভূৱনেশ্বৰ শৰ্মাই ডিম্বেশ্বৰ কলিতাক হত্যা কৰি পত্নী নমিতা শইকীয়াকো আক্ৰমণ কৰে ৷ ভূৱনেশ্বৰ শৰ্মাৰ আক্ৰমণত মূৰত আঘাত পায় মৃত ডিম্বেশ্বৰ কলিতাৰ পত্নীয়ে ।
- " class="align-text-top noRightClick twitterSection" data="">
হত্যাকাণ্ডৰ প্ৰকৃত কাৰণ বৰ্তমানলৈ জানিব পৰা হোৱা নাই যদিও ভুৱনেশ্বৰ শৰ্মাই মৃত ডিম্বেশ্বৰ কলিতাৰ ই-ৰিক্সা খনৰ বেটাৰী টো খুলি লৈ যাবলৈ ধৰোতে বেটাৰীটো খুলি নিয়াত ডিম্বেশ্বৰ কলিতাই বাধা প্ৰদান কৰোতেই খঙত অগ্নিশৰ্মা হৈ হত্যাকাৰী ভূৱনেশ্বৰ শৰ্মাই বাতামেৰে মৰিয়াই মৰিয়াই হত্যা কৰে কলিতাক । লগে লগে হুৱাদুৱা লাগে সমগ্ৰ অঞ্চলত ।
ঘটনা সংঘটিত কৰাৰ পিছতে স্থানীয় ৰাইজে ভুৱনেশ্বৰ শৰ্মাক আটক কৰি উত্তম-মধ্যম শোধাই ৰাইজে । মূমুৰ্ষ অৱস্থাত হত্যাকাৰী ভুৱনেশ্বৰ শৰ্মাক ভৰ্তি কৰোৱা হয় মঙলদৈ অসামৰিক চিকিৎসালয়ত । ইফালে মূৰত আঘাটপ্ৰাপ্ত মৃত ডিম্বেশ্বৰ কলিতাৰ পত্নীকো মঙলদৈ অসামৰিক চিকিৎসালয়ত চিকিৎসা প্ৰদান কৰা হয় । বৰ্তমানো পত্নী জ্ঞাত নহয় ডিম্বেশ্বৰ কলিতাৰ মৃত্যুৰ বিষয়ে ।
লগতে পঢ়ক: মাতাল মহানগৰী : আৰক্ষী জোৱানক ম'বিল ঢালি জ্বলাই দিয়াৰ অপচেষ্টা - Crime In Guwahati
