নিউজ ডেস্ক, ২০ ছেপ্টেম্বৰ: শুকুৰবাৰে পুৱা অসম আৰক্ষীয়ে কৰিমগঞ্জৰ ভাৰত-বাংলাদেশ সীমান্তৰে ভাৰতত প্ৰৱেশ কৰিব খোজা দুগৰাকী বাংলাদেশী নাগৰিকক ওভতাই পঠিয়াবলৈ সক্ষম হয় ৷ অনুপ্ৰৱেশৰ চেষ্টা চলোৱা দুই বাংলাদেশী নাগৰিকক দিলাৰা বেগম আৰু শ্বোল হাৱালদাৰ বুলি চিনাক্ত কৰা হৈছে ৷
টুইটাৰযোগে এই তথ্য প্ৰকাশ কৰি অসমৰ মুখ্যমন্ত্ৰী হিমন্ত বিশ্ব শৰ্মাই এটা পোষ্টত লিখে, ‘‘অবৈধ অনুপ্ৰৱেশৰ বিৰুদ্ধে শূন্য সহনশীল নীতি গ্ৰহণ কৰি আজি পুৱা অসম আৰক্ষীয়ে সফলতাৰে কৰিমগঞ্জৰ আন্তঃৰাষ্ট্ৰীয় সীমান্ত পাৰ হ’ব খোজা বাংলাদেশী নাগৰিকক ওভতাই পঠিয়াইছে ৷ ভাল কামবোৰ কৰি যাওক ৷’’
In line with our zero tolerance policy toward illegal infiltration, earlier today @assampolice successfully pushed back the following Bangladeshi nationals who attempted to cross the International Border at Karimganj
— Himanta Biswa Sarma (@himantabiswa) September 20, 2024
👉 Dilara Begum
👉 Shoel Hawladar
Keep up the good work 👍 pic.twitter.com/FtkEqdrlXn
ইফালে যোৱা ১৯ ছেপ্টেম্বৰত ভাৰত-বাংলাদেশ সীমান্তত কঠোৰ সতৰ্কতা বজাই ৰাখি অসম আৰক্ষীয়ে কৰিমগঞ্জত সীমান্তৰ সমীপত চাৰিজন বাংলাদেশী নাগৰিকক চিনাক্ত কৰে । তেওঁলোকক ৰোমিদা বেগম, আব্দুল ইলাহি, মাৰিজনা বেগম, আব্দুল শুক্কুৰ বুলি চিনাক্ত কৰা হৈছে । লগে লগে তেওঁলোকক সীমান্ত পাৰ কৰাই বাংলাদেশলৈ ঘূৰাই পঠিওৱা হয় ।
Maintaining strict vigil along the Indo-Bangladesh border, @assampolice identified four Bangladeshi nationals near the border in Karimganj
— Himanta Biswa Sarma (@himantabiswa) September 19, 2024
👉Romida Begum
👉Abdul Elahi
👉Marijna Begum
👉Abdul Sukkur
They were immediately sent back across the border to Bangladesh.
Good job… pic.twitter.com/nIK05q0MzV
ইয়াৰ পূৰ্বে যোৱা ১৭ ছেপ্টেম্বৰত অসমৰ দক্ষিণ শালমাৰা মানকাচৰ জিলাত ৰাজ্যৰ আৰক্ষী আৰু সীমান্ত সুৰক্ষা বাহিনী চমুকৈ বি এছ এফে পাঁচজন বাংলাদেশী নাগৰিকক আটক কৰিছিল ।
𝐂𝐫𝐚𝐜𝐤𝐢𝐧𝐠 𝐭𝐡𝐞 𝐢𝐥𝐥𝐞𝐠𝐚𝐥 𝐢𝐧𝐟𝐢𝐥𝐭𝐫𝐚𝐭𝐢𝐨𝐧 𝐧𝐞𝐱𝐮𝐬
— Himanta Biswa Sarma (@himantabiswa) September 16, 2024
In a joint operation by @assampolice and @BSF_India, an auto was intercepted in Mankachar which was carrying 5 illegal Bangladeshi infiltrators,
👉🏼Akash Ali
👉🏼Safikul Mandal
👉🏼Sabina Akter
👉🏼Pinki Akter… pic.twitter.com/aqZa42OI9F
এই সন্দৰ্ভত এটা X পোষ্টত অসমৰ মুখ্যমন্ত্ৰী হিমন্ত বিশ্ব শৰ্মাই কয় যে অসম আৰক্ষী আৰু বি এছ এফৰ যৌথ অভিযানত মানকাচৰত এখন অটোৰ পৰা ৫ জন অবৈধ বাংলাদেশী অনুপ্ৰৱেশকাৰীক আটক কৰা হয় ।
"সোধা-পোছাৰ পিছত আটকাধীন অনুপ্ৰৱেশকাৰীসকলে প্ৰকাশ কৰে যে তেওঁলোকে শ্বেৰপুৰৰ পৰা সীমান্ত পাৰ হৈ আহিছে আৰু দক্ষিণ শালমাৰা মানকাচৰৰ পাপ্পন নামৰ এজন ভাৰতীয় নাগৰিক এই অনুপ্ৰৱেশৰ সংযোগৰ সৈতে জড়িত । ব্যক্তিসকলক ওভতাই পঠিওৱাৰ বাবে প্ৰয়োজনীয় ব্যৱস্থা গ্ৰহণ কৰা হৈছে আৰু আমি এই লিংকবোৰ ধৰা পেলোৱাৰ বাবে কাম কৰি আছো ।" অসমৰ মুখ্যমন্ত্ৰীয়ে X ত লিখিছে ।
আটকাধীন অবৈধ বাংলাদেশী অনুপ্ৰৱেশকাৰী কেইজনক আকাশ আলী, চফিকুল মণ্ডল, ছাবিনা আখতাৰ, পিংকি আখতাৰ, ছান্তা আৰু অটো চালক আখিৰুল ইছলাম বুলি চিনাক্ত কৰা হৈছে ।
তাৰ পূৰ্বেও যোৱা ১২ ছেপ্টেম্বৰত অসম আৰক্ষীয়ে তিনিজন বাংলাদেশী নাগৰিকক চিনাক্ত কৰি নিজৰ দেশলৈ ওভতাই পঠিয়ায় । আনহাতে, ১১ ছেপ্টেম্বৰত অসম আৰক্ষীয়ে টয়ু শ্বেইখ নামৰ এজন বাংলাদেশী নাগৰিকক আটক কৰি বাংলাদেশলৈ পঠিয়াই দিয়ে ।
লগতে পঢ়ক: জানুৱাৰীৰ পৰা সীমান্তত ৫৪ অবৈধ অনুপ্ৰৱেশকাৰীক আটক - Bangladeshi detained
