গুৱাহাটী, ৩০ ছেপ্টেম্বৰ: মুখ্যমন্ত্ৰীৰ আত্মনিৰ্ভৰ অসম অভিযানৰ অধীনত নিৰ্বাচিত ২৫,২৩৮ গৰাকী উদ্যোগী যুৱক-যুৱতীক প্ৰথম কিস্তি হিচাপে ৭৫ হাজাৰ টকাকৈ মুঠ ৫১০ কোটি টকা সোমবাৰে বিতৰণ কৰা হয় । গুৱাহাটীৰ খানাপাৰা খেলপথাৰত আয়োজিত এক অনুষ্ঠানত উদ্যোগী যুৱক-যুৱতীক প্ৰথম কিস্তিৰ ধন বিতৰণ কৰে মুখ্যমন্ত্ৰী হিমন্ত বিশ্ব শৰ্মাই ৷
অনুষ্ঠানত ভাষণ দি শৰ্মাই কয়, "ৰাজ্যৰ শিক্ষিত নিবনুৱা যুৱক-যুৱতীক আত্মনিৰ্ভৰশীল কৰি তোলাৰ উদ্দেশ্যৰে আমি আৰম্ভ কৰা মুখ্যমন্ত্ৰীৰ আত্মনিৰ্ভৰ অসম অভিযান হৈছে অসমত যুৱ-উদ্যোগীক সমৰ্থন কৰাৰ বাবে আমাৰ আটাইতকৈ বৃহৎ প্ৰয়াস ।
২০২১ চনত আমি নিৰ্বাচনৰ প্ৰাকমুহূৰ্তত অসমৰ যুৱক-যুৱতীসকলক দুটা প্ৰতিশ্ৰুতি দিছিলো । প্ৰথম প্ৰতিশ্ৰুতি আছিল ১ লাখ চৰকাৰী চাকৰি প্রদান আৰু দ্বিতীয়টো আছিল ২ লাখ যুৱ উদ্যোগীক উদগনিৰে আমি ৰাজ্যত এক ঔদ্যোগিক পৰিৱেশ সৃষ্টি কৰা । যোৱা ৩ বছৰত আমি দুয়োটা প্ৰতিশ্ৰুতি পূৰণ কৰিবলৈ সক্ষম হৈছো ।"
𝐅𝐮𝐧𝐝𝐢𝐧𝐠 𝐭𝐡𝐞 𝐔𝐧-𝐅𝐮𝐧𝐝𝐞𝐝
— Himanta Biswa Sarma (@himantabiswa) September 30, 2024
Gives me joy to share that today we have transferred ₹510cr to the bank accounts of 25,000 entrepreneurs under the Chief Minister’s Atmanirbhar Asom Abhijan (CMAAA). This will give wings to the aspirations of our citizens and harness… pic.twitter.com/BxOoXyMls0
তেওঁ আৰু কয়, "বিগত বছৰৰ ২৩ ছেপ্টেম্বৰত আমি মুখ্যমন্ত্ৰীৰ আত্মনিৰ্ভৰ আঁচনিখনৰ শুভাৰম্ভ কৰিছিলো আৰু প্ৰাৰ্থীসকলে আবেদন দাখিল কৰিব পৰাকৈ এটা প’ৰ্টেল কৰিছিলো । প'ৰ্টেলযোগে ১,০৪,০৯১গৰাকী প্ৰাৰ্থীয়ে আবেদন কৰিছিল আৰু আজি আমি প্রথম পর্যায় হিচাপে তাৰে ২৫,০০০ গৰাকীক সাহায্য ৰাশি প্ৰদান কৰিলো ।"
As promised, the first set of 25,000 entrepreneurs have received their assistance today and are all set to script a new success story.#PromisesFulfilled https://t.co/l5p7VB0Zdt
— Himanta Biswa Sarma (@himantabiswa) September 30, 2024
মুখ্যমন্ত্ৰী শৰ্মাই কয়, "এই দুই লাখ টকাৰ একলাখ টকা ওভতাই দিব নালাগে । পাঁচবছৰ পিছত বাকী এক লাখ টকা সৰু সৰু কিস্তিত ওভতাই দিলে হ'ল । অসমত তিনিদিন জিলাই জিলাই প্ৰশিক্ষণ দিম ।
১০ নৱেম্বৰত আকৌ ২৫ হাজাৰ টকা তেওঁলোকৰ বেংক একাউণ্টত ভৰাই দিম । এই আঁচনি সফল হ'লে অহা বছৰ পুনৰ এক লাখ যুৱক-যুৱতীক সামৰি লোৱা হ'ব । প্ৰধানমন্ত্ৰী মুদ্ৰা আঁচনিলৈ এইসকলক সংযুক্ত কৰিব পাৰো তাৰ লক্ষ্য লৈ অসম চৰকাৰে কাম কৰি আছে ।"
