গুৱাহাটী, ২৯ আগষ্ট: এতিয়াৰে পৰা অসমত বাধ্যতামূলক হ’ব মুছলমান বিবাহ আৰু বিবাহ বিচ্ছেদৰ পঞ্জীয়ন ৷ অসমত মুছলমান বিবাহ আৰু বিবাহ বিচ্ছেদ প্ৰথাত নাথাকিব কাজীৰ কোনো ভূমিকা ৷ কিয়নো সকলো বিতৰ্ক আৰু জল্পনা-কল্পনাৰ অৱসান ঘটাই বৃহস্পতিবাৰে অসম বিধানসভাৰ মজিয়াত গৃহীত হ’ল অসম মুছলিম বিবাহ আৰু বিবাহ বিচ্ছেদ বাধ্যতামূলক পঞ্জীয়ন বিধেয়ক, ২০২৪ (The Assam Compulsory Registration of Muslim Marriage And Divorce Bill, 2024) ৷
Today is a historic day in our effort to fight the social evil of child marriage. The #AssamLegislativeAssembly has passed the 'Assam Compulsory Registration of Muslim Marriages and Divorces Bill, 2024'.
— Himanta Biswa Sarma (@himantabiswa) August 29, 2024
This Act will now make it mandatory to register marriages with the Govt and… pic.twitter.com/H7UiB03S1J
বাল্যবিবাহ আৰু বহুবিবাহ ৰোধৰ উদ্দেশ্যৰে উত্থাপন কৰা এই বিধেয়কখন আজি অসম বিধানসভাত ধ্বনি ভোটত গৃহীত হয় । এই বিধেয়ক গৃহীত হোৱাৰ ফলত এতিয়া অসমত মুছলমান বিবাহ আৰু বিবাহ বিচ্ছেদ বাবে চৰকাৰী পঞ্জীয়নৰ বাধ্যতামূলক হৈ পৰিব ।
আনহাতে মুছলমান বিবাহ আৰু বিবাহ বিচ্ছেদৰ ক্ষেত্ৰত কাজীৰ কোনো ভূমিকা নাথাকিব এতিয়াৰ পৰা ৷ এককথাত অসমৰ পৰা নোহোৱা হ’ব কাজী । বিধেয়ক গৃহীত হোৱাৰ বিতৰ্কত ভাগ লৈ অসমৰ মুখ্যমন্ত্ৰী হিমন্ত বিশ্ব শৰ্মাই কয়, “বাল্যবিবাহ নামৰ সামাজিক ব্যাধিটোৰ বিৰুদ্ধে যুঁজাৰ ক্ষেত্ৰত আজি এক ঐতিহাসিক দিন । অসম বিধানসভাই অসম মুছলমান বিবাহ আৰু বিবাহ বিচ্ছেদ বাধ্যতামূলক পঞ্জীয়ন বিধেয়ক, ২০২৪’ গৃহীত কৰিছে ।”
লগতে মুখ্যমন্ত্ৰীগৰাকীয়ে মন্তব্য কৰিছে, “গৃহীত হোৱা এই বিধেয়কখনৰ অধীনত এতিয়াৰ পৰা চৰকাৰীভাৱে বিবাহ পঞ্জীয়ন কৰাটো বাধ্যতামূলক কৰিব আৰু ছোৱালীৰ বাবে ১৮ বছৰ তথা ল'ৰাৰ বাবে ২১ বছৰৰ বিবাহৰ আইনী বয়স উলংঘন কৰিব নোৱাৰিব । বিধেয়কখনে কিশোৰী গৰ্ভধাৰণৰ বিৰুদ্ধে এক কঠোৰ প্ৰতিৰোধক হিচাপেও কাম কৰিব আৰু আমাৰ ছোৱালীসকলৰ সামগ্ৰিক বিকাশ সুনিশ্চিত কৰাত বিশেষ ভূমিকা গ্ৰহণ কৰিব । এই বিধেয়কখন দলীয় ৰাজনীতিৰ ঊৰ্ধ্বত আৰু আমাৰ ছোৱালীসকলক মৰ্যাদাপূর্ণ জীৱন প্ৰদানত আমাৰ এক বিনম্ৰ প্ৰয়াস ।”
