স্প’ৰ্টছ ডেস্ক: বুধবাৰৰ পৰা আৰম্ভ হ’ব জিম্বাব’ৱে আৰু আফগানিস্তানৰ মাজৰ তিনিখন মেচৰ টি-20 শৃংখলা ৷ যাৰ বাবে আফগানিস্তানৰ ক্ৰিকেট দলটোৰ অধিনায়কৰ দায়িত্ব দিয়া হৈছে ৰছিদ খানক ৷ বিপৰীতে একে দায়িত্ব অৰ্পণ কৰা হৈছে জিম্বাব’ৱেৰ ছিকন্দৰ ৰাজাক ।
এই ভ্ৰমণৰ সময়ত আফগানিস্তানে 3 খন টি-20, তিনিখন এদিনীয়া আৰু দুখন টেষ্ট মেচত অংশগ্ৰহণ কৰিব ৷
এই শৃংখলাটো আলহী দলটোৰ বাবে গুৰুত্বপূৰ্ণ হ’ব, কিয়নো তেওঁলোকে আগন্তুক আই চি চি চেম্পিয়নছ ট্ৰফী 2025 ৰ বাবে নিজকে প্ৰস্তুত কৰি আছে । শেহতীয়াকৈ পাকিস্তানক আতিথ্য দিয়াৰ পিছত বৰ্তমানে জিম্বাব’ৱেই আফগান ক্ৰিকেট দলক আতিথ্য প্ৰদান কৰিছে ।
জিম্বাব’ৱে বনাম আফগানিস্তান মুখামুখি
জিম্বাব’ৱে আৰু আফগানিস্তানে টি-20 ত এতিয়ালৈকে 15 খন মেচত মুখামুখি হৈছে । ইয়াৰে মাত্ৰ এখন মেচত জিম্বাব’ৱে জয়লাভ কৰাৰ বিপৰীতে আফগানিস্তানে 14 বাৰ জয়ৰ সোৱাদ লাভ কৰিছে ৷ পাকিস্তানৰ বিৰুদ্ধে অনুষ্ঠিত শেহতীয়া শৃংখলাত জিম্বাব’ৱে 2-1 ব্যৱধানত পৰাজয়ৰ সন্মুখীন হৈছিল যদিও এইবাৰ আফগানিস্তানৰ বিৰুদ্ধে ভাল ফলাফল লাভ কৰাৰ আশা প্ৰকাশ কৰিছে ৷
𝐈𝐭 𝐁𝐞𝐠𝐢𝐧𝐬 𝐓𝐨𝐦𝐨𝐫𝐫𝐨𝐰! 🤩#AfghanAtalan are all set to begin their three-match T20I series against Zimbabwe at 4:00 PM (AFT) tomorrow at the Harare Sports Club in Harare. 👍#ZIMvAFG | #GloriousNationVictoriousTeam pic.twitter.com/bTT217gqzf
— Afghanistan Cricket Board (@ACBofficials) December 10, 2024
জিম্বাব’ৱে বনাম আফগানিস্তানৰ টি-20 শৃংখলা
হাৰাৰে স্প’ৰ্টছ ক্লাবত বুধবাৰৰে পৰা অনুষ্ঠিত হ’ব জিম্বাব’ৱে আৰু আফগানিস্তানৰ মাজত এদিনীয়া আৰু টি-20 শৃংখলা । 11, 13 আৰু 14 ডিচেম্বৰত তিনিখন টি-20 মেচৰে আৰম্ভ হ’ব এই শৃংখলা ৷ তাৰপিছত ক্ৰমে 17, 19 আৰু 21 ডিচেম্বৰত শৃংখলাৰ তিনিখন এদিনীয়া মেচ অনুষ্ঠিত হ’ব ।
জিম্বাব’ৱে বনাম আফগানিস্তানৰ মাজত প্ৰথমখন টি-20 মেচ কেতিয়াৰ পৰা আৰম্ভ হ’ব ?
জিম্বাব’ৱে আৰু আফগানিস্তানৰ মাজৰ প্ৰথমখন টি-20 মেচ 11 ডিচেম্বৰ বুধবাৰৰ সন্ধিয়া 5 বজাৰ পৰা আৰম্ভ হ’ব ।
All set for today's big T20I clash opener 👊#ZIMvAFG #VisitZimbabwe pic.twitter.com/sfGCkP34Ry
— Zimbabwe Cricket (@ZimCricketv) December 11, 2024
জিম্বাব’ৱে বনাম আফগানিস্তানৰ মাজত প্ৰথমখন টি-20 মেচ ক’ত অনুষ্ঠিত হ’ব ?
এই শৃংখলাৰ প্ৰথমখন টি-20 মেচ হাৰাৰেৰ হাৰাৰে স্প’ৰ্টছ ক্লাবত অনুষ্ঠিত হ’ব ।
কোনবোৰ টিভি চেনেলে সম্প্ৰচাৰ কৰিব জিম্বাব’ৱে বনাম আফগানিস্তানৰ মাজৰ প্ৰথমখন টি-20 মেচ ?
জিম্বাব’ৱে আৰু আফগানিস্তানৰ মাজত অনুষ্ঠিত হ’বলগীয়া প্ৰথমখন টি-20 মেচ ভাৰতৰ কোনো টিভি চেনেলত প্ৰচাৰ কৰা নহ’ব ।
Zimbabwe skipper @SRazaB24 is exuding confidence ahead of the first T20I against Afghanistan this Wednesday.
— Zimbabwe Cricket (@ZimCricketv) December 10, 2024
The match is scheduled to start at 13:30 (CAT) at the Harare Sports Club.#ZIMvAFG #VisitZimbabwe pic.twitter.com/7e9ggj96ll
জিম্বাব’ৱে আৰু আফগানিস্তানৰ মাজত অনুষ্ঠিত হ’বলগীয়া প্ৰথমখন টি-20 মেচৰ লাইভ ষ্ট্ৰীমিং ক’ত হ’ব ?
জিম্বাব’ৱে আৰু আফগানিস্তানৰ মাজত অনুষ্ঠিত হ’বলগীয়া প্ৰথমখন টি-20 মেচৰ লাইভ ষ্ট্ৰিম ফেনকোড এপ আৰু ৱেবছাইটত উপলব্ধ হ’ব । যদি আপোনাৰ এই এপটোৰ চাবস্ক্ৰিপচন নাই, তেন্তে লাইভ মেচৰ বাবে 25 টকাৰ মেচ পাছ লৈ মেচখন উপভোগ কৰিব পাৰিব ৷ লগতে সমগ্ৰ ছিৰিজটো উপভোগ কৰিবলৈ হ’লে 89 টকাৰ মেচ পাছ ল’ব লাগিব ।
লগতে পঢ়ক: দক্ষিণ আফ্ৰিকাৰ বিৰুদ্ধে প্ৰথমখন টি-20 ত পৰাস্ত পাকিস্তান
