স্প’ৰ্টছ ডেস্ক, 23 জুন: ক্ৰিকেট জগতত নতুন দলবোৰৰ বাবে টি 20 বিশ্বকাপ হৈ পৰিছে দক্ষতা প্ৰমাণৰ উপযুক্ত এখন মঞ্চ ৷ আমেৰিকা যুক্তৰাষ্ট্ৰই গ্ৰুপ পৰ্যায়ত পাকিস্তানক পৰাস্ত কৰি তেওঁলোকৰ প্ৰদৰ্শনেৰে সকলোকে প্ৰভাৱিত কৰিছিল ৷ দলটোৱে ভাৰতৰ বিৰুদ্ধেও তুমুল প্ৰতিযোগিতাত অৱতীৰ্ণ হৈছিল ৷
সমান্তৰালকৈ আফগানিস্তানে গ্ৰুপ পৰ্যায়ত নিউজিলেণ্ডক পৰাস্ত কৰিছিল ৷ কিন্তু দলটোৱে দেওবাৰে শক্তিশালী হিচাপে পৰিচিত অষ্ট্ৰেলিয়াৰ বিৰুদ্ধে 21 ৰাণৰ ব্যৱধানত জয় লাভ কৰি ক্ৰিকেটপ্ৰেমীৰ দৃষ্টি আকৰ্ষণ কৰিবলৈ সক্ষম হয় ৷
লগতে পঢ়ক: T-২০ বিশ্বকাপ : ৰোমাঞ্চকৰ হৈ পৰিল ছেমি ফাইনেলৰ গণিত - T20 WORLD CUP 2024
এই জয়ে চুপাৰ 8 ৰ গ্ৰুপ ১ ৰ দলসমূহৰ বাবে ছেমি ফাইনেলত প্ৰৱেশ কৰাৰ পথ মুকলি কৰিছে ৷ পিছে তালিকাৰ শীৰ্ষস্থানত থকা ভাৰতে অন্তিম চাৰিত প্ৰৱেশ কৰিব নোৱাৰাৰ সামান্য সম্ভাৱনাও প্ৰকট হৈছে ৷ পৰৱৰ্তী মেচ দুখনৰ ওপৰতহে নিৰ্ভৰ কৰিব এই সিদ্ধান্ত ৷
- অষ্ট্ৰেলিয়া আৰু আফগানিস্তানৰ জয়
অষ্ট্ৰেলিয়াই সোমবাৰে ভাৰতৰ বিৰুদ্ধে অন্তিম ছুপাৰ 8 ৰ মেচত অংশগ্ৰহণ কৰিব আৰু আফগানিস্তানে বাংলাদেশৰ বিৰুদ্ধে অৱতীৰ্ণ হ’ব ৷ ভাৰতে চাৰি পইণ্টৰ সৈতে গ্ৰুপৰ পইণ্ট তালিকাৰ শীৰ্ষস্থান অধিকাৰ কৰি থকাৰ বিপৰীতে অষ্ট্ৰেলিয়া আৰু আফগানিস্তানে লাভ কৰিছে দুটাকৈ পইণ্ট ৷
যদি অষ্ট্ৰেলিয়া আৰু আফগানিস্তান উভয়েই তেওঁলোকৰ ছুপাৰ 8 ৰ অন্তিমখন মেচত জয় লাভ কৰে, তেন্তে তিনিটা দলে লাভ কৰিব চাৰি পইণ্ট ৷ যিয়ে নেট ৰাণৰেট বৃদ্ধিত অৰিহণা যোগাব ৷
যদি অষ্ট্ৰেলিয়াই ভাৰতক 41 বা ততোধিক ৰাণত পৰাস্ত কৰে আৰু আফগানিস্তানে বাংলাদেশক কমেও 83 ৰাণত পৰাস্ত কৰে, তেন্তে দুয়োটা দলে ভাৰতৰ মুঠ ৰাণ ৰেট +2.425 ক অতিক্ৰম কৰিব । যাৰ ফলত পইণ্ট তালিকাত ভাৰত তৃতীয় স্থানলৈ অৱনমিত হোৱাৰ সম্ভাৱনা আছে ৷
যদি মেচখনত অষ্ট্ৰেলিয়া এক ৰাণত জয়ী হয়, তেন্তে আফগানিস্তানে নেট ৰাণৰেটৰ ক্ষেত্ৰত কেংগাৰু বাহিনীক অতিক্ৰম কৰিবলৈ 36 ৰাণত জয়ী হ'ব লাগিব ।
- ভাৰত আৰু বাংলাদেশৰ জয়
এনে পৰিস্থিতিত ভাৰতে ছয় পইণ্টৰ সৈতে ছেমিত আগবাঢ়িব লাগিব ৷ আনহাতে তিনিটা দল ক্ৰমে - অষ্ট্ৰেলিয়া, আফগানিস্তান আৰু বাংলাদেশে লাভ কৰিব লাগিব দুটাকৈ পইণ্ট ৷
অষ্ট্ৰেলিয়াৰ নেট ৰাণৰ হাৰ উন্নত, গতিকে এনে পৰিস্থিতিত তেওঁলোকৰ এটা লক্ষ্য থাকিব । আনকি আফগানিস্তানে এক ৰাণত পৰাজয়ৰ সন্মুখীন হ'লেও অষ্ট্ৰেলিয়াই ছেমিত প্ৰৱেশ কৰিবলৈ বিপৰীত পক্ষক 31 ৰাণত পৰাজিত কৰিব লাগিব ।
বাংলাদেশে গ্ৰুপত দ্বিতীয় স্থান লাভ কৰিবলৈ আফগানিস্তানক 31 ৰাণত পৰাস্ত কৰিব লাগিব আৰু অষ্ট্ৰেলিয়াই ভাৰতৰ দ্বাৰা 55 ৰাণৰ ব্যৱধানত পৰাস্ত হ'ব লাগিব ।
- অষ্ট্ৰেলিয়া আৰু বাংলাদেশৰ জয়
এয়া এক সৰল সমীকৰণ, কিয়নো ভাৰত আৰু অষ্ট্ৰেলিয়াই চাৰি পইণ্টৰ সৈতে ছেমি ফাইনেলত প্ৰৱেশ কৰিব ৷ আনহাতে, আফগানিস্তান আৰু বাংলাদেশে দুটা পইণ্ট লাভ কৰিলে চুপাৰ 8 পৰ্যায়ৰ পৰা বাহিৰ হ'ব ।
- ভাৰত আৰু আফগানিস্তানৰ জয়
ভাৰতে ছয় পইণ্টৰ সৈতে অন্তিম চাৰিত প্ৰৱেশ কৰিব আৰু আফগানিস্তানেও চাৰি পইণ্টৰ সৈতে ছেমি ফাইনেলত প্ৰৱেশ কৰিব ।
